«Galkynyş» käninde tebigy gazyň ýyllyk çykarylyşy 200 mlrd kub metre deň bolar
Ägirt uly «Galkynyş» gaz käninden tebigy gazyň akymyny ýylda 200 milliard kub metre ýetirmek meýilleşdirilýär. Şunuň ýaly görkezijä ýetmek ony ulanmagyň ähli 7 tapgyrynyň ýerine ýetirilmegi bilen mümkin bolar. Bu barada «Türkmengaz» döwlet konserniniň tebigy gaz ylmy barlag institutynyň barlaghanasynyň müdiri Irina Lurýewa Türkmenistanyň energetika pudagyna maýa goýum çekmek boýunça Dubaýda geçýän forumda aýtdy.
«Gaz ýatagy häzirki wagtda synag-senagat ulanyş döwründe bolup, soňlugy bilen gazy almagyň depginleri artdyrylar. Häzirki wagtda biz özleşdirmegiň birinji tapgyrynda. Hemişelik alnyş döwründe tutuş gaz ýatagy boýunça gazyň ýyllyk çykarylyşy 200 mlrd kub metre ýetiriler» - diýip, Lurýewa aýtdy.
«Galkynyş» känini öwrenmegiň häzirki tapgyrynda çaklama hasaplamalary özleşdirmegiň 7 tapgyryny göz öňünde tutýar. Käni özleşdirmegiň birinji tapgyrynyň çäklerinde hereket edýän ulanyş guýularynyň gaznasynda 51 guýy bar. 10-dan gowrak guýy işjeň burawlaýyşda.
Şeýle hem gazyň ortaça taslama debitiniň günde 1,5 mln kub metr gaza deňdigi, plastyň potensial mümkinçilikleriniň bolsa, guýulary günde 2 mln kub metrden gowrak debit bilen uzak wagtlap ulanmaga mümkinçilik berýändigi bellenildi.
— Çaklamalarymyza görä, GaffneyCline kompaniýasy bilen bilelikde ýerine ýetirilen her tapgyr boýunça gazyň hemişelik alnyşynyň döwri 30 ýyldan gowrak bolar — diýip, I.Lurýewa aýtdy.
Çykyşda bellenilişi ýaly, häzirki wagtda «Galkynyş» käninde Türkmenistanda CNPC kompaniýasynyň ýanyndaky Çuansin buraw inženerçilik kompaniýasynyň şahamçasynyň hünärmenleri tarapyndan üç sany täze guýynyň gurluşygy tamamlandy. Olaryň gurluşy 1-nji tapgyryň beýleki guýularyndan tapawutlanýar. Bu guýularyň dogry ýerleşdirilmegi günde 3 mln kub metr töweregi taslama debitini almaga mümkinçilik berdi.
Bellenilişi ýaly, «Galkynyş» gaz käniniň işlenip taýýarlanmagy ulanylýan tehnologiýalaryň we strategiýalaryň yzygiderli kämilleşdirilip durmagyny, ýörite detallaýyn we barlaghana tejribeleriniň geçirilmegini, ekologiýa we ykdysady nukdaýnazardan ählitaraplaýyn öwrenilmegini talap edýär.
Şonuň üçin hem türkmen hünärmenleri pikir, tejribe babatda, nou-hau babatda beýleki kompaniýalaryň gazananlaryny paýlaşmagy goldaýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
