Nebitgazçylar toparynyň ynamly ýeňşi
14:29 03.05.2023
Ýurdumyzda ýokary netijeli sporty we köpçülikleýin bedenterbiýäni ösdürmeklige, ýaş türgenleri kämilleşdirmeklige, sagdyn durmuşy wagyz etmeklige uly üns berilýär. Şu maksatdan ugur alyp, Arkadag Serdarly bagtyýar ýaşlar ýylynda hem sportuň dürli görnüşlerinde bäsleşikler yzygiderli geçirilýär.
Ýakynda 2010 — 2014-nji ýyllarda doglan ýaş türgenleriň arasynda Türkmenistanyň Bedenterbiýe we sport baradaky döwlet komitetiniň sport mekdebiniň guramagynda şaýbaly hokkeý boýunça geçirilen açyk birinjiligi hem şeýle ýaryşlaryň biridir. Şaýbaly hokkeý boýunça geçirilen birinjilikde «Türkmengaz» DK-nyň «Türkmengazawtomatika» müdirliginiň «Oguzhan» hokkeý kluby aýratyn tapawutlandy. «Oguzhanyň» ýaş türgenleri ähli garşydaşlaryny uly hasap bilen ýeňmegiň hötdesinden geldiler. Geçirilen duşuşyklarda nebitgazçylaryň topary Türkmenistanyň Söwda we daşary ykdysady aragatnaşyklar ministrliginiň «Şir» toparyny 10:2, Bedenterbiýe we sport baradaky döwlet komitetiniň «Bürgüt» toparyny 15:2, Içeri işler ministrliginiň «Galkan» toparyny 14:2 hasap bilen ýeňmegi başardy. «Oguzhan» toparynyň oýunçysy Dawut Adylowyň ýaryşyň iň ökde hüjümçisi diýlip yglan edilendigini hem bellemelidir.
Duşuşyklaryň netijesi «Oguzhanyň» düzümindäki türgenleriň has zehinlidigini, taýýarlyk derejesiniň güýçlüdigini aýan edýär. Geljekde Türkmenistanyň ýygyndy toparynyň düzüminde oýnajak ýaş hokkeýçileriň öňünde uly wezipeler durýar. Biz olaryň ýurdumyzyň ýaşyl tuguny belentde parladyp, bäsleşiklerde, şol sanda halkara ýaryşlarynda ýeňişli ýollaryny dowam etjekdigine pugta ynanýarys.
Döwlet NAZAROW,
«Türkmengaz» döwlet konserniniň «Türkmengazawtomatika» müdirliginiň «Oguzhan» hokkeý klubunyň başlygynyň orunbasary.
Türkmenistan TOPH energetika taslamasyny halkara hukugyna pugta eýerip öňe sürýär
Türkmenistan Günorta Aziýa her ýylda 33 milliard kub metr gaz iberjek TOPH gaz geçirijisiniň gurluşygynda düýpli öňegidişlik gazandy diýip, TAPI Pipeline Company Ltd kompaniýasynyň Direktorlar geňeşiniň başlygy Muhammetmyrat Amanow Parižde geçirilen Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forumynda çykyşynda belledi (TEIF 2024).
TOPH taslamasy, “Galkynyş” käni we Türkmenistanyň nebitgaz toplumyny ösdürmegiň beýleki ugurlary – TEIF 2024 foýumynyň üns merkezinde
Türkmenistanyň Ministrler Kabinetiniň Başlygynyň orunbasary Batyr Amanow çarşenbe güni öz işine başlan Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme mejlisinde eden çykyşynda Türkmenistan-Owganystan-Pakistan-Hindistan (TOPH) transmilli gaz geçirijisiniň taslamasyny durmuşa geçirmegiň barşy barada habar berdi.
Azerbaýjan türkmen tebigy gazynyň satyn alynýan möçberini artdyrýar
Azerbaýjan 2024-nji ýylyň ýanwar-fewral aýlarynda Eýranyň üsti bilen swop (alyş-çalyş) amallarynyň çäklerinde Türkmenistandan alýan tebigy gazynyň möçberlerini geçen ýylyň degişli döwri bilen deňeşdirilende 2,4 göterim artdyrdy diýip, ABC.AZ agentligi habar berýär.
Garaşsyzlyk bilen galkynan şahyryň täze kitaby neşir edildi
Garaşsyzlyk ýyllarynda ýazyjy-şahyrlaryň, žurnalistleriň, umuman, medeniýet we sungat bilen meşgullanýan ähli adamlaryň dürli neşirlerde köpçülige ýetirýän eserlerinde galkynyşyň, ruhubelentligiň, ýurdumyza guwanç, buýsanç duýgusynyň güýçlüdigi mese-mälim görünýär.
Türkmenistan halkara maýadarlaryna ýangyç-energetika toplumynda birnäçe taslamalara gatnaşmaga çagyrýar
Parižde badalga alan forumyň maksady Türkmenistanyň energetika pudagynyň ähli ulgamlaryna göni daşary ýurt maýa goýumlaryny çekmek bolup durýar diýip, Türkmenistanyň Prezidentiniň nebitgaz meseleleri boýunça geňeşçisi 24-nji aprelde forumyň açylyş dabarasynda eden çykyşynda belledi.