Türkmenistanda nebitgaz toplumyna täze wise-premýer bellenildi
Türkmenistanda ýangyç-energetika toplumynyň meseleleri boýunça täze wise-premýer wezipesine Amanow Batyr Amangeldiýewiç bellenildi. Ondan öň ol «Türkmengaz» döwlet konsernine ýolbaşçylyk edýärdi.
Degişli Permana Türkmenistanyň Prezidenti Serdar Berdimuhamedow 13-nji maýda sanly ulgam arkaly geçirilen Ministrler Kabinetiniň mejlisinde gol çekdi.
Nebitgaz toplumy boýunça wise-premýer wezipesinde Batyr Amanow Aşyrguly Begliýewiň ýerine geçdi. A.Begliýew Türkmenistanyň Prezidentiniň nebitgaz meseleleri boýunça geňeşçisi bellenildi.
Batyr Amangeldiýewiç AMANOW
1978-nji ýylda Aşgabat şäherinde doguldy. Ýokary bilimli. 2009-njy ýylda şol wagtky Türkmen politehniki institutyny geodeziýa inženeri hünäri boýunça tamamlady.
1994-nji ýylda Aşgabat çaphanasynda ilki çapçynyň şägirdi, soňra çapçy bolup zähmet ýoluna başlady. Şol ýerde 1998 — 2000-nji ýyllar aralygynda kompýuter operatory bolup işledi.
Ýokary okuw mekdebini tamamlandan soňra, 2009 — 2012-nji ýyllarda “Türkmennebitgazgurluşyk” döwlet konserniniň “Türkmenýöritenebitgazgurnama” trestiniň mehanizmleşdirilen işleriň ýöriteleşdirilen müdirliginiň ussasy, ulaglary we mehanizmleri ulanyş bölüminiň esasy hünärmeni, mehanigi bolup zähmet çekdi. 2012-2013-nji ýyllarda “Türkmengaz” döwlet konserniniň “Türkmengazakdyryş” birleşiginiň düýpli gurluşyk bölüminiň esasy inženeri bolup işledi.
2013 — 2017-nji ýyllar aralygynda “Türkmennebitgazgurluşyk” döwlet konserniniň turbageçiriji gurluşygy bölüminiň baş hünärmeni, şol bölümiň başlygynyň wezipesini wagtlaýyn ýerine ýetiriji. 2017-2018-nji ýyllarda “Türkmengaz” döwlet konserniniň “Türkmengazakdyryş” birleşiginiň başlygynyň düýpli gurluşyk boýunça orunbasary.
2018-2019-njy ýyllarda “Türkmengaz” döwlet konserniniň başlygynyň orunbasary. 2019-2020-nji ýyllarda Türkmenbaşydaky nebiti gaýtadan işleýän zawodlar toplumynyň baş direktory bolup işledi.
2020-nji ýyldan bäri Türkmenistanyň döwlet ministri — “Türkmengaz” döwlet konserniniň başlygy.
“Türkmenistanyň Bitaraplygynyň 25 ýyllygyna” atly ýubileý medaly we “Watana bolan söýgüsi üçin” medaly bilen sylaglanyldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
