Türkmenistanda içerki syýahatçylyk giň meşhurlyga eýe bolýar
Syýahatçylyk ulgamynda geçirilýän özgertmeler, jahankeşdeligiň çäkleriniň giňelmegi, Türkmenistanyň taryhyny, medeniýetini, däp-dessurlaryny, gözel tebigatyny dünýä ýaýmak, şeýle hem syýahatçylygyň ekologiýa, dynç alyş, sport we atçylyk ýaly görnüşleriniň peýda bolmagy, dynç almak üçin döwrebap we amatly şertleri döretmek boýunça işleri dowam etmek milli syýahatçylyk pudagyny ösdürmek işinde ileri tutulýan ugurlara öwrüldi.
Ýurdumyzyň demirgazyk welaýatynyň ýadygärliklerine alyp barýan demir ýol boýunça gezelençler içerki syýahatçylygyň meşhur ugurlarynyň birine öwrüldi.
Türkmenistanyň Medeniýet ministrliginiň «Medeniýet we syýahat» žurnalynyň syýahatçylyk bölümi tarapyndan guralan Köneürgenjiň mukaddesliklerine otlyda sapara ýüzden gowrak adam goşulyp, olaryň hatarynda ýurdumyzyň bilim edaralarynyň mugallymlary we terbiýeçileri, jemgyýetçilik guramalarynyň wekilleri, ýaşulular we ýaşlar boldy.
Ugur mukaddes ýerlere zyýarat edilmegini, ÝUNESKO-nyň Bütindünýä medeni mirasynyň sanawyna girizilen «Köneürgenç» döwlet taryhy-medeni goraghanasynyň ýadygärlikleri bilen tanyşlygy öz içine aldy.
Bu ugur boýunça gezelençler 2022-nji ýylyň noýabrynda ýola goýuldy.
Guramaçylar diňe Daşoguz welaýatyna däl-de, eýsem, ýurdumyzyň dürli sebitlerine gatnajak ýörite syýahatçylyk otly düzümlerini döretmegi dowam etmegi meýilleşdirýärler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
