«Nebitgaz pudagyny ösdürmekde ylmyň we bilimiň ileri tutulýan ugurlary»
Şeýle at bilen «Türkmengaz» döwlet konserniniň Ylmy-barlag tebigy gaz institutynda Ylymlar güni mynasybetli ylmy-amaly maslahat geçirildi. Oňa «Türkmengaz» DK-nyň, «Türkmengeologiýa» DK-nyň, Türkmenistanyň Ylymlar akademiýasynyň Himiýa institutynyň, Tehnologiýalar merkeziniň alymlary, hünärmenleri, şeýle-de Ýagşygeldi Kakaýew adyndaky Halkara nebit we gaz uniwersitetiniň mugallymlary we talyp ýaşlary gatnaşdylar.
«Türkmengaz» döwlet konserniniň Ylmy-barlag tebigy gaz institutynyň direktorynyň geologiýa işleri boýunça orunbasary Rahmetnur Aýmämmedow öz çykyşynda nebitgaz pudagyny dünýä derejesinde ösdürmek, onuň maddy-enjamlaýyn binýadyny ylmyň we tehnologiýanyň soňky gazananlary bilen üpjün etmek, bu ugurda alnyp barylýan ylmy barlaglaryň ileri tutulýan ugurlary boýunça halkara gatnaşyklaryny işjeňleşdirmek, täze tehnologiýalary işläp taýýarlamak we olary ulanmak ýaly wezipeleriň buýsandyryjy netijelere eýe bolýandygyny belledi.
Maslahatyň dowamynda institutyň kärdeşler arkalaşygynyň ilkinji guramasynyň başlygy Myrat Baýramgylyjowyň «Ýokary temperaturaly karbonat önümli gatlagy kislota ergini bilen işläp geçmegiň aýratynlygy», institutyň önümçilik geologiýasy bölüminiň inženeri Selbinyýaz Sapargeldiýewanyň «Geljegiň energetikasy — wodorod energiýasy», Ýagşygeldi Kakaýew adyndaky Halkara nebit we gaz uniwersitetiniň uly mugallymy Ogulgerek Baýramdurdyýewanyň «Ýaş alymlaryň ylmy we inženerçilik pikirlerini ösdürmekde innowasion tehnologiýalaryň orny», Türkmenistanyň Ylymlar akademiýasynyň Himiýa institutynyň aspiranty Nazar Nizamedinowyň «Gudrony asfaltsyzlaşdyrmagyň oňaýly usullaryny işläp düzmek» atly temadaky we beýleki hünärmenleriň çykyşlary örän täsirli boldy.
Dabaraly maslahatyň dowamynda «Türkmengaz» DK-nyň Medeni-işewürlik merkeziniň sungat ussatlarynyň aýdym-sazlary ýygnananlaryň göwünlerini ganatlandyrdy. Maslahatyň ahyrynda nebitgaz senagatynyň ylymda we tehnologiýada gazananlary esasynda ösdürilmeginde netijeli işler alyp barýan hünärmenlere Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi hem-de Ylmy-barlag tebigy gaz institutynyň kärdeşler arkalaşygynyň ilkinji guramasy tarapyndan ýadygärlik sowgatlary dabaraly ýagdaýda gowşuryldy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
