Maksim Bortnikow – “Gazprombank” bankynyň Durnukly ösüş maksatlary boýunça dolandyryjy müdiri:
Aşgabatda geçirilen Halkara maslahatyň mowzugy örän wajyp bolup, munuň şeýledigine oňa gatnaşanlaryň düzümi şaýatlyk edýär. Olaryň hatarynda döwlet edaralarynyň, iri halkara guramalarynyň, banklaryň, iri gaz çykaryjy kompaniýalarynyň wekilleri, alymlar, esasy hünärmenler we nebitgaz ulgamynyň bilermenleri boldy.
“Gazprombank” öňden bäri düzümleýin taslamalary düzmek we maliýeleşdirmek bilen meşgullanyp, “ýaşyl” gün tertibiniň meselelerine aýratyn üns berýär. Bankyň düzüminde bu ugurda taslamalary ulgamlaşdyrmak, şeýle hem durmuş, ekologiýa we ykdysady ugurlar boýunça maksatlary we wezipeleri düzmek üçin Durnukly ösüş maksatlary boýunça geňeş döredildi. Geňeş her ýyl bu ugurlarda ýerine ýetiren işleri, şol sanda bankyň ekologiýa jogapkärçilgi syýasatynyň konsepsiýasyny amala aşyrmak boýunça geçirilen işler barada hasabat berýär.
Aşgabatda geçirilen maslahata gatnaşmagym tejribe alyşmaga, kesgitlenen meseleleri çözmegiň öňdebaryjy tejribeleri, taslamalaryň eneronetijeliliginiň derejesini ýokarlandyrmak üçin ulanylýan serwisler, şeýle hem “ýaşyl energetikany” ilerletmekde ekologiýa maliýeleşdirmesiniň täze mümkinçilikleri hem-de başlangyçlary bilen tanyşmaga mümkinçilik berdi.
Uglewodorodlar gazylyp alynanda metanyň we kömürturşy gazyň howa zyňylýan möçberini azaltmak meseleleri boýunça bölümlerde geçirilen mejlislerde bilermenleriň çykyşlary gyzykly we mazmunly boldy.
Halkara maslahatynyň oňat guralandygyny bellemek isleýärin. Myhmanlar we bilermenler üçin çäreleri geçirmekde we halkara forumyň gün tertibine girizilen möhüm meseleler boýunça netijeli pikir alyşmakda zerur bolan ähli şertler döredildi.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
