Türkmenistanyň zenanlary Almatada Merkezi Aziýada energetika geçilmegini amala aşyrmakda zenanlaryň ornuny maslahatlaşdylar
12-15-nji iýunda Türkmenistanyň zenanlary Gazagystanyň Almaty şäherinde geçirilen “Merkezi Aziýada energetika geçilmegini amala aşyrmakda zenanlaryň orny” atly maslahata gatnaşdylar.
Maslahata gatnaşmaga Merkezi Aziýanyň, şol sanda Gazagystanyň, Gyrgyzystanyň, Özbegistanyň, Täjigistanyň we Türkmenistanyň energetika kompaniýalarynyň, uniwersitetleriniň, kärhanalarynyň we kärdeşler arkalaşyklarynyň wekilleriniň 40-sy çagyryldy.
Bu çärede ýurdumyza Türkmenistanyň Energetika ministrliginiň, “Türkmengaz” we “Türkmennebit” Döwlet konsernleriniň ýolbaşçy zenanlary we hünärmenleri wekilçilik etdiler.
Bu maslahat energetika pudagynda zähmet çekýän zenanlary bir ýere jemlemek hem-de gender deňliginiň ýörelgelerini ilerletmek üçin binýat döretmek maksady bilen Almatynyň energetika we aragatnaşyk uniwersitetinde (AEAU) “Merkezi Aziýada energetika” atly maksatnamanyň çäklerinde ABŞ-nyň Halkara ösüş boýunça agentligi (USAID) tarapyndan guraldy.
Şeýle hem bu çäre energetika ulgamynda ýolbaşçy zenanlaryň sanyny artdyrmak maksady bilen halkara hyzmatdaşlygyna, bilim we halypaçylyk başlangyçlaryna ýardam etmäge gönükdirildi.
Maslahata gatnaşyjylar sebitiň ýurtlarynyň energetika pudaklary üçin gender syýasaty meselesini ara alyp maslahatlaşdylar, şeýle hem sebit hyzmatdaşlygyny we gatnaşyklaryny ösdürmäge ýardam etdiler.
Şunuň ýaly çäreler Merkezi Aziýada zenanlaryň energetika hünärleri hem-de energiýanyň gaýtadan dikeldilýän çeşmeleri babatda okuw çäreleri bilen bagly bolan bilim derejelerini we düşünjelerini artdyrmaga, howanyň üýtgemeginiň netijelerini ýumşatmakda öňdebaryjy tehnologiýalary we olary iş ýüzünde ulanmagyň artykmaçlyklaryny geçirmäge ýardam edýär.
Türkmenistanyň daşary işler ministrniň orunbasary Mähri Bäşimowanyň eden çykyşlarynyň birinde belleýşi ýaly, “Gender deňligi Türkmenistanda ösüşiň ileri tutulýan ugurlarynyň biri bolup durýar, ýurdumyz durmuş, syýasy we ykdysady ulgamlarda gender deňligini gazanmakda uly ösüşleri gazandy”.
Türkmenistanda gender deňligini üpjün etmek boýunça Hereketleriň milli meýilnamasyna laýyklykda ýurtda zenanlaryň ähli derejelerde, şol sanda syýasy we durmuş ulgamlara gatnaşygy giňeldi. Häzir Türkmenistanyň aýal-gyzlarynyň durmuşyň ähli ugurlarynda işjeňliginiň artandygyny görmek bolýar. Olar ata Watanymyzyň rowaçlygynyň bähbidine önümçilikde, şeýle hem ýolbaşçy wezipelerde zähmet çekýärler.
2020-nji ýylyň oktýabrynda USAID-niň “Merkezi Aziýada energetika” taslamasyna badalga berildi hem-de ol Merkezi Aziýanyň bäş ýurduna - Gazagystana, Gyrgyzystana, Täjigistana, Türkmenistana we Özbegistana olaryň milli energetika maksatnamalaryny amala aşyrmakda, energiýa serişdeleriniň serhedüsti söwdasyndan ykdysady peýdalary almakda we sebit gatnaşyklaryny giňeltmegiň hasabyna energetika howpsuzlygyny ýokarlandyrmakda ýardam etmäge gönükdirilendir.
Taslama hünär taýýarlygyny höweslendirmek, bilim bermek we mümkinçilikleri giňeltmek; hususy ulgama maýa goýumlaryny artdyrmak; ýerli guramalaryň tejribesini peýdalanmak we gender deňligini we inklýuzwliligi üpjün etmek boýunça pudagara maksatlara ýetmäge ýardam edýär. Şeýle hem taslama energetika ulgamynda ýerli hünärmenleri goldamak bilen meşgullanýar.
Ogulhan Ärnepesowa,
“Türkmengaz” Döwlet konserniniň Daşary ykdysady gatnaşyklar müdirliginiň baş hünärmeni.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
