Wekilbazar nebit önümleri kärhanasynda metal çelekleriň üçüsi ulanylmaga berildi
«Türkmennebitönümleri» baş müdirliginiň Hojalyk hasaplaşygyndaky abatlaýyş-gurluşyk müdirliginiň Mary welaýat şahamçasynyň gurluşykçylary üç müň kub metrden köpräk nebit önümlerini saklamaklyga niýetlenilen uly göwrümli täze metal çelekleriniň üçüsini Wekilbazar nebit önümleri kärhanasynda ýokary hilli gurup, ulanmaga berdiler. Munuň özi kärhana gelip gowuşýan nebit önümlerini ygtybarly saklamaklyga hem-de goýbermeklige mümkinçilik berer. Bu bolsa kärhana gelip gowuşýan ýangyç hem çalgy ýaglaryny bökdençsiz kabul etmek ugrunda edilýän aladanyň bir mysalydyr.
Arkadag Serdarly bagtyýar ýaşlar ýylynda kärhanada döwrebap enjamlar bilen enjamlaşdyrylan estakada hem gurlup ulanylmaga berildi. Bu estakada kärhananyň ýangyç daşaýjy awtoulaglarynyň birbada on sekizisine ýangyç guýmaga mümkinçilik berer.
Mary welaýatynyň Mary şäherinde, Mary, Murgap, Sakarçäge, Wekilbazar etraplarynda ýerleşýän edara-kärhanalaryň awtoulag serişdelerini ýangyç we çalgy ýaglary bilen bökdençsiz üpjün edýän, şeýle hem hususy awtoulaglaryň sürüjilerine hyzmat edýän bu nebit önümleri kärhanasynyň hünärmenleri işlerini ýokary medeniýetli guramaklygy özleriniň gündelik baş aladalary hasaplaýarlar.
— Häzir biziň kärhanamyzda awtoulaglara ýangyç guýujy beketleriň on dokuzysy bolup, olarda müşderilere talabalaýyk hyzmat etmek üçin ähli şertler döredilen. Ýangyç guýujy beketlerimiziň köp gatnawly ýollaryň, köçeleriň ugurlarynda ýerleşmekligi sürüjiler üçin oňaýly, amatly şertleri döredýär.
Türkmen halkynyň Milli Lideri, Gahryman Arkadagymyzyň, hormatly Prezidentimiz Arkadagly Serdarymyzyň taýsyz tagallalary bilen gurulýan «Türkmenawtoban» ýokary tizlikli halkara ýolunyň gurluşygy häzir Mary welaýatynyň çäginde-de üstünlikli dowam etdirilýär. Biz häzirki wagtda ýoluň Tejen-Mary böleginiň 309,7-nji kilometrliginde «A» hem-de «B» bloklarynda awtoulaglara ýangyç guýujy döwrebap beketleriň ikisiniň gurluşyk-gurnama işlerini ýokary depgin bilen alyp barýarys. Bu awtoulag sürüjilerine hyzmat etjek beketleri halkara talaplaryna laýyklykda, ýokary hil derejesinde gurup, bellenilen möhletinde ulanmaga bereris — diýip, Wekilbazar nebit önümleri kärhanasynyň başlygy Toýly Durdymämmedow gürrüň berýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
