«Türkmenistanyň nebiti we gazy — 2023» XXVIII Halkara maslahatyna we sergisine taýýarlyk başlandy
Aşgabat şäherinde şu ýylyň 25 – 27-nji oktýabrynda 28-nji gezek geçiriljek “Türkmenistanyň nebiti we gazy – 2023” atly halkara maslahatyna we sergisine işjeň taýýarlyk görülýär.
“Türkmengaz”, “Türkmennebit” döwlet konsernleri, Türkmenistanyň Söwda-senagat edarasy, “Türkmengeologiýa” döwlet korporasiýasy hem-de “GaffneyCline” britan kompaniýasynyň ýardamy bilen “Türkmen Forum” hojalyk jemgyýeti halkara forumyny guraýjylar bolup çykyş edýärler.
Bellenilişi ýaly, halkara maslahatyň we serginiň geçirilmeginiň maksady energetika ulgamyny durnukly ösdürmekde halkara tagallalary birleşdirmekden, global energetika ulgamynda soňky ýörelgeler, ýurdumyzyň nebitgaz toplumynda göni daşary ýurt maýa goýumlaryny çekmek meselelerini ara alyp maslahatlaşmakdan ybaratdyr.
Halkara forumyň çäklerinde guraljak işewür duşuşyklary ýurdumyzyň ýangyç-energetika toplumyndaky täze maýa goýum taslamalaryny, “Galkynyş” gaz känini özleşdirmegiň geljekki tapgyrlaryny, TOPH gaz geçirijisiniň gurluşygyny, ýurdumyzyň gury çäklerinde we Hazar ýalpaklygynda geljegi uly gaz känlerini özleşdirmek, gaýtadan dikeldilýän energiýa serişdeleri, uglewodorod çeşmelerini işlemegiň ekologiýa taraplaryna degişli meseleleri ara alyp maslahatlaşmaga giň mümkinçilik dörediler.
Forumy guraýjylar şu gezekki maslahata we sergä energetika ulgamynda iş alyp barýan köpsanly daşary ýurt kompaniýalarynyň, halkara guramalarynyň we maliýe edaralarynyň ýolbaşçylarydyr wekilleriniň gatnaşmagyna garaşýarlar.
Halkara maslahatyň çäklerinde ýurdumyzyň nebitgaz, energetika, himiýa, bank ulgamynyň ýokary derejeli ýolbaşçylary bilen duşuşmaga mümkinçilik dörediler. Halkara maslahaty şahsy gatnaşyk we onlaýn görnüşde geçiriler. Guramaçylar daşary ýurtly gatnaşyjylara wiza we beýleki kömeklerini bererler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
