Türkmenistanyň Prezidenti Serdar Berdimuhamedowyň Wengriýa iş sapary başlandy
14:26 20.08.2023
Şu gün, 20-nji awgustda Türkmenistanyň Prezidenti Serdar Berdimuhamedow iş sapary bilen Wengriýa ugrady. Budapeşte çenli uçuşy amala aşyryp, Prezidentimiziň uçary Wengriýanyň paýtagtynyň «Ferens List» Halkara howa menzilinde gondy. Bu ýerde döwlet Baştutanymyzy resmi wekiller garşyladylar.
Türkmenistanyň Prezidenti Serdar Berdimuhamedow iş saparynyň dowamynda Budapeştde Wengriýanyň Premýer-ministri Wiktor Orban bilen duşuşdy.
Duşuşygyň dowamynda taraplar esasy ugurlaryň hatarynda türkmen-wenger hyzmatdaşlygyny ösdürmegiň meselelerini ara alyp maslahatlaşdylar. Esasan hem syýasy-diplomatik, energetika, senagat we ulag-aragatnaşyk pudaklarynda, şeýle hem sport ugrunda özara gatnaşyklary ösdürmeklige aýratyn üns berildi.
Bu iki döwletiň arasyndaky diplomatik gatnaşyklary 1992-nji ýylda ýola goýuldy. Dostluga hem-de birek-birege hormat goýmak däplerine eýerýän türkmen-wenger hyzmatdaşlygy şol wagdan bäri yzygiderli berkidilýär. Şunda ýokary we Hökümet derejedäki gatnaşyklara aýratyn üns berilýär.
Türkmenistanyň Prezidenti Budapeştde geçiriljek ýeňil atletika boýunça dünýä çempionatynyň hormatly myhmany bolar.
Özara bähbitli hyzmatdaşlygy mundan beýläk hem ösdürmekde alnyp barylýan ugra iki döwletiň hem üýtgewsiz ygrarlydygyny şu ýylyň 9-njy iýunynda resmi sapar bilen Aşgabada gelen Wengriýanyň Premýer-ministri Wiktor Orban bilen hormatly Prezidentimiz Serdar Berdimuhamedowyň arasynda geçirilen gepleşikler hem tassyklady.
«Arkadagly Ýaşlar» žurnalynyň dördünji sany okyjylara ýetirildi
Türkmenistanyň Magtymguly adyndaky ýaşlar guramasynyň Merkezi geňeşiniň ýanyndaky «Arkadagly Ýaşlar» atly elektron žurnalyň üstümizdäki ýylyň dördünji sany okyjylara ýetirildi,diýip Türkmenistanyň Döwlet habarlar agentligi habar berýär.
«Ahal» topary täze baş tälimçiniň ýolbaşçylygynda üçünji ýeňşini gazandy
«Ahal» toparynyň futbolçylary täze baş tälimçi Döwletmyrat Annaýewiň ýolbaşçylygynda Türkmenistanyň çempionatynyň 12-nji tapgyrynyň myhmançylykdaky oýnunda Türkmenbaşynyň «Şagadamyny» 2:0 hasabynda utup, bassyr üçünji ýeňşini gazandy, diýip «Türkmenistan: Altyn asyr» saýty habar berýär.
Türkmenistanyň Prezidenti iş sapary bilen Russiýa Federasiýasyna ugrady
Şu gün günüň ikinji ýarymynda hormatly Prezidentimiz Serdar Berdimuhamedow Russiýanyň Prezidenti Wladimir Putiniň çakylygy boýunça 1941 – 1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli guraljak dabaralara hormatly myhman hökmünde gatnaşmak maksady bilen, Russiýa Federasiýasyna iş sapary bilen ugrady,diýip Türkmenistanyň Döwlet habarlar agentligi habar berýär.
Türkmenistanyň Prezidenti Ýaşlyk suw arassalaýjy desgasynyň açylyş dabarasyna gatnaşdy
Şu gün hormatly Prezidentimiz Serdar Berdimuhamedow Ahal welaýatyndaky kuwwatlylygy bir gije-gündizde 30 müň kub metr bolan Ýaşlyk suw arassalaýjy desgasynyň açylyş dabaralaryna gatnaşdy, diýip Türkmenistanyň Döwlet habarlar agentligi habar berýär.
Türkmenistanyň Prezidenti Bäherden sement zawodynyň ikinji tapgyrynyň açylyş dabarasyna gatnaşdy
Şu gün hormatly Prezidentimiz Serdar Berdimuhamedow Ahal welaýatyndaky ýylda 1 million tonna sement öndürmäge niýetlenen Bäherden sement zawodynyň ikinji tapgyrynyň açylyş dabarasyna gatnaşdy, diýip Türkmenistanyň Döwlet habarlar agentligi habar berýär.
