«Türkmengaz» DK-nyň wekilleri Özbegistanyň kärhanalary bilen hyzmatdaşlygyň geljegini maslahatlaşdylar
«Türkmengaz» döwlet konserniniň wekilleri özbek hyzmatdaşlary bilen söwda-ykdysady gatnaşyklary ýola goýmak maksady bilen Daşkentde «Tehnopark» kärhanasyna baryp gördüler.
Türkmen wekiliýeti kärhananyň önümçilik prosesi we geljekki meýilleri bilen tanyşdylar. Myhmanlara öndürilýän önümiň hili, barlaghana synaglarynyň geçirilişi, şeýle hem tehnologiki hatarlaryň we sergi zallarynyň ýerleşişi barada jikme-jik maglumat berildi.
Duşuşygyň barşynda Türkmenistana «akylly» gaz hasaplaýjylaryny ibermek meselesi maslahatlaşyldy. Mundan başga-da, taraplar bu önümleriň Türkmenistanda önümçiligini guramak, işgär mümkinçiligini ýokarlandyrmak we tejribe alyşmak üçin aragatnaşygy ýola goýmak mümkinçiligini öwrenmegi ylalaşdylar.
Türkmenistanyň wekiliýeti şeýle hem Özbegistanyň Elektrotehniki senagat kärhanalarynyň assosiasiýasynyň we «HududGazTa'minot» nebitgaz kompaniýasynyň wekilleri bilen duşuşyklary geçirer.
Ýatdan çykmajak çagalar üçin Täze ýyl baýramçylygy
Täze ýylyň öňüsyrasynda “Türkmennebit” döwlet konserniniň “Türkmennebitönümleri” baş müdirliginiň ýaşaýyş-jemagat hojalygy kärhanasy öz işgärleriniň çagalary üçin ýatdan çykmajak Täze ýyl baýramçylygyny gurady.
Bezeg bäsleşigi geçirildi
Şanly Garaşsyzlygymyzyň 35 ýubleý ýylynyň bellenjek 2026-njy ýylyny mynasyp garşylamak maksady bilen “Türkmennebit” döwlet konserniniň Balkanabat nebitçilik orta hünär okuw mekdebimizde talyp toparlarynyň arasynda baýramçylyk bezeg işleri boýunça bäsleşik geçirildi.
Türkmenistanyň Mejlisi 2026-njy ýylyň şygaryny yglan etdi
2026-njy ýyl Türkmenistanda «Garaşsyz, baky Bitarap Türkmenistan — bedew batly at-myradyň mekany» şygary astynda geçer. Şeýle Karary Türkmenistanyň Mejlisiniň 26-njy dekabrda kabul etdi.
Täze sport meýdança döredildi
“Türkmennebit” Döwlet konserniniň Balkanabat nebitçilik orta hünär okuw mekdebinde talyplaryň bedenterbiýe boýunça şertlerini gowulandyrmak maksady bilen açyk howada döwrebap maşk edilýän meýdança döredildi.
Gazçylar üçin täze ulaglar
Ýurdumyzyň gündogar sebitinde milli ykdysadyýetimizi ösüşiň täze belentliklerine göterýän möhüm pudaklaryň biri bolan gaz senagatynda ýerine ýetirilýän işler giň gerimde dowam edýär.
