Türkmenistan Hindistanyň gurnan «Merkezi Aziýa ýurtlarynda işewürligiň mümkinçilikleri» forumyna gatnaşdy
Türkmenistan Hindistanyň DIM-niň goldaw bermeginde bu ýurduň Söwda-senagat edarasy tarapyndan gurnalan «Merkezi Aziýa ýurtlarynda işewürligiň mümkinçilikleri» forumyna gatnaşdy.
Forum Merkezi Aziýa döwletleriniň Hindistandaky diplomatik wekilhanalarynyň ýolbaşçylaryny, daşary işler, söwda ministrlikleriniň, kiçi we orta telekeçiliginiň degişli ýolbaşçylaryny, ýerli firmalaryň we kompaniýalaryň wekillerini bir ýerde jemledi.
Biziň ýurdumyzdan foruma Türkmenistanyň Delidäki ilçisi Şalar Geldinazarow gatnaşdy. Çykyşynda diplomat Türkmenistan-Owganystan-Pakistan-Hindistan gaz geçirijisiniň gurluşygy, Aşgabat ylalaşygynyň çäklerinde ulag-logistika gatnaşyklaryny ösdürmek we «Demirgazyk-Günorta» halkara ulag geçelgesi ýaly taslamalary durmuşa geçirmekde Türkmenistan bilen Hindistanyň arasynda oňyn hyzmatdaşlygy belläp geçdi.
Ilçi hindi işewürleriniň ünsüni Türkmenistanda maýa goýum ýagdaýynyň artykmaçlyklaryna, ýurduň ykdysadyýetini diwersifikasiýalaşdyrmak proseslerine, milli tebigaty goraýyş syýasatyna çekdi. Mysal hökmünde «akylly» şäher Arkadag agzaldy.
Ýokary derejede gazanylan ylalaşyklara salgylanyp Şalar Geldinazarow, nebitgaz pudagy, ulag we kommunikasiýa, obasenagat, himiýa we dokma senagaty, IT-tehnologiýalar ýaly ugurlarda Türkmenistan bilen Hindistanyň özara bähbitli hyzmatdaşlygynyň uly geljegini belledi. Bu barada Türkmenistanyň DIM-niň metbugat gullugy habar berdi.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
