«AÝBÖLEK» MEBEL KÄRHANASY HALKARA HYZMATDAŞLYGYNY ÖSDÜRÝÄR
Ýokary hilli we dünýä bazarlarynda bäsdeşlige ukyply önümleri bilen adygan «Aýbölek» mebel kärhanasy täze okuw ýylynyň öňüsyrasynda goňşy Gazagystan Respublikasynyň paýtagty Astana şäherinde Al-Farabi adyndaky Gazak milli uniwersitetiniň täze açylýan 400 orunlyk binasy üçin niýetlenen ýokary hilli partalary eksport etdi. Munuň özi milli kärhanalarymyzyň nobatdaky uly üstünlikleriniň aýdyň mysalydyr. Ýeri gelende, bu kärhananyň geçen ýylyň güýzünde hem Gazagystan Respublikasynyň Alma-Ata şäherindäki Gazak milli uniwersitetiniň ýanynda ulanyşa berlen 720 orunlyk döwrebap orta mekdebi okuw partalary bilen üpjün edendigini ýatlamak ýakymlydyr.
20 ýyldan gowrak ozal önümçiligine başlan «Aýbölek» mebel kärhanasy önümçiligiň depginini ýylsaýyn ýokarlandyryp, halkymyzy ekologiýa taýdan arassa we ýokary hilli mebel önümleri bilen üpjün edip gelýär. Ýurdumyzyň mebel önümçiliginde öňdebaryjy orny eýeleýän kärhana şeýle üstünlikleri gazanmak üçin önümçilige döwrüň ösen tehnologiýalaryny, täzeçil iş usullaryny we oňyn halkara tejribesini yzygiderli ornaşdyrýar.
«Aýbölek» mebel kärhanasynda ýurdumyzyň ministrlikleriniň hem-de pudaklaýyn dolandyryş edaralarynyň buýurmalary esasynda ýaşaýyş jaýlarynyň öý goşlary, mekdeplerdir çagalar baglary üçin partalar, oturgyçlar, şkaflar, saglygy goraýyş, bilim, harby we hukuk goraýjy düzümler üçin zerur mebel önümleri taýýarlanylýar. Şeýle hem kärhanada ýaşaýyş jaýlary, edara binalary, ofis otaglary, myhmanhanalar, naharhanalar, sport desgalary, harby bölümler, lukmançylyk edaralary üçin niýetlenen beýleki mebel önümleriniň, gapylaryň we demir derwezeleriň dürli görnüşleri öndürilýär. Olar bahalarynyň amatlydygy, ekologiýa taýdan arassalygy, berkligi, çydamlylygy bilen tapawutlanyp, hil babatda daşary ýurt harytlaryndan birjik-de kem galmaýar.
Täze 2023-2024-nji okuw ýylynda bu mebel kärhanasy ýurdumyzdaky bilim ojaklaryny ýokary hilli önümler bilen üpjün etmekde-de uly üstünlikleri gazandy. Kärhana Lebap welaýatynyň Kerki etrabynyň Gowak geňeşliginiň Gowak obasynda 160 orunlyk çagalar bagyny mebel önümleri bilen doly üpjün etdi. Şeýle hem Türkmenistanyň Bilim ministrligi bilen hyzmatdaşlygyň çäklerinde ýurdumyzyň mekdebe çenli çagalar edaralary, orta mekdepleri we ýokary okuw mekdepleri üçin partalaryň 5 müňden gowragy taýýar edildi. Munuň özi telekeçileriň täze okuw ýylyny hem-de mukaddes Garaşsyzlygymyzyň barha ýakynlap gelýän baýramyny toý sowgatlary bilen garşylaýandygyny görkezýär.
Mebel kärhanasynyň önümleriniň soňky ýyllarda birnäçe gezek abraýly halkara düzümler tarapyndan «Ýylyň önümi» diýen ada mynasyp görülmegi, şeýle hem degişli sertifikatlardyr baýraklar bilen sylaglanylmagy türkmen telekeçileriniň dünýä derejesinde bäsdeşlige ukyply önümleri öndürmekde uly tejribe toplandygyny tassyklaýar.
Çary ÇARYÝEW,
Türkmen döwlet medeniýet institutynyň telewideniýe žurnalistikasy hünäriniň talyby.
Koreýa Respublikasynyň ilçisi TNGIZT-niň ýolbaşçylygy bilen bilelikdäki taslamalaryň durmuşa geçirilişini maslahatlaşdy
Koreýa Respublikasynyň Türkmenistandaky Adatdan daşary we Doly ygtyýarly ilçisi Li Wonje Türkmenbaşydaky nebiti gaýtadan işleýän zawodlar toplumyna iş saparyny amala aşyrdy. Bu barada TNGIZT-niň saýtynda habar berilýär.
Döwrüň ruhuna mynasyp seslenýän neşir
Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzyň dünýä derejesindäki ýokary ösüşlerini, durmuşa geçirilen we alnyp barylýan iri taslamalary, ekologiýa meselelerini, halkara we döwlet derejesindäki forumlary, işewürlik duşuşyklaryny we beýleki dürli ugurlaryň möhüm materiallaryny, täzeliklerini hem habarlaryny dessin beýan edip köpçülige ýetirmekde milli habar beriş serişdeleriniň ähmiýeti bimöçber uludyr.
Ýangyç-energetika toplumynyň çig mal binýadyny pugtalandyrmakda guwandyryjy zähmet ýeňişleri
«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar.
Türkmenistan kükürtsiz tebigy gazy gözlemek üçin geologiýa-gözleg burawlaýyş işlerini giňeldýär
«Türkmengeologiýa» döwlet korporasiýasy ýurdumyzyň dürli sebitlerinde ýerleşýän birnäçe nebitgazly meýdançalarda kükürtsiz tebigy gazyň gözlegine aýratyn üns berip, giň gerimli geologiýa-gözleg we ulanyş burawlaýyş işlerini alyp barýar. Işler «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde amala aşyrylýar.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
