Hatyja Gurbanowa, "Pähim-paýhas ummany Magtymguly Pyragy" atly ýylymyzyň ajaýyp günlerinden ruhlanyp, ýagly reňklerde, Magtymguly Pyragynyň keşbini döredip "Watan jemalyndan joşa düşüp sen" atly bu işini, öz okaýan Balkanabat şäheriniň iňlis dili, fizika we matematika derslerini çuňlaşdyrylyp öwredilýän ýöriteleşdirilen 22-nji orta mekdebine sowgat berdi .

- Yagly reňklerde işlemek gaty gyzykly, esasy zat hem akyldar şahyrymyzyň keşbini döredýän pursatlarym, aladaly bolsam-da, höwesimiň çagi bolmady. Bu işde tejribämiň azlygy hem işlemäge böwet bolmady. Mugallymym Zelili Amanjaýewiň goldawy we maslahatlary uly kömek boldy, Mugallym meni ruhy taýdan goldap, "Yhlas bilen aglasaň sokur gözden ýaş çykar, her bir işe başlanyňda, başararyn diýip ýapyş" diymegi özüme bolan ynamymy artdyrdy.

Maňa Halypa Saragt Babaýewiň ussahanasynda birnäçe gezek myhmançylykda bolmak miýesser etdi. Her sapar baranymda başga bir dünýä düşen ýaly bolýaryn, üýtgeşik duýgulary başdan geçirýärin, sungata aşyk bolýaryn, zähmet çekesim gelýär, taze-taze tehnikalary öwrenesim gelýär, geljekde özümem bu owadan dünýäni has hem gözelleşdiresim gelýär. Mekdebime sowgat etmek pikiriniň döremegine Halypa heýkeltaraş Saragt Babaýewiň ogly we şagirdi Bally Babaýew sebäp boldy. Ol öz eli bilen döreden heýkelini, öz okaýan mekdebine sowgat beripdi, şol gün meniň ýüregimde hem, bilim alýan mekdebimize, parahat ýurdumyza, Gahryman Arkadagymyza, Arkadagly Gahryman Serdarymyza bolan buýsanjym iki esse artdy. Ballynyň başlangyjy deň-duşlarymyza gowy görelde boldy, men hem öz gezegimde elimden geljek ýagşy işlrri edesim geldi, - diýip Hatyja gürrüň berýär.