Türkmenistanyň Prezidenti we Sankt-Peterburgyň gubernatory hyzmatdaşlyk meselelerini maslahatlaşdy
Türkmenistanyň Prezidenti Serdar Berdimuhamedow we Sankt-Peterburgyň gubernatory Aleksandr Beglow 25-nji dekabrda gysga wagtlyk söhbetdeşlikde Peterburg bilen Türkmenistanyň ykdysady we medeni hyzmatdaşlyk meselelerini maslahatlaşdy.
Duşuşyk Türkmenistanyň Prezidentiniň GDA-nyň döwlet Baştutanlarynyň resmi däl sammitine gatnaşmagynyň çäklerinde “Pulkowo” howa menzilinde bolup geçdi.
“Peterburg Türkmenistan bilen dürli ugurlarda hyzmatdaşlyk edýär, biriň gatnaşyklarymyz ösýär. Beýik Watançylyk urşunyň we Leningradyň gabawynyň ýagty ýadygärligine sarpasy, weteranlar barada aladasy üçin türkmen hyzmatdaşlarymyza minnetdarlyk bildirýärin. Bu gymmatlyklar bizi birleşdirýär. Aşgabatda Leningradyň gabaw wagtyndaky ýaşaýjylaryny kabul etmeginiň hormatyna “Dostluk” ýadygärligini oturtmak meýilleşdirilýär” diýip, Beglow aýtdy.
Bellenilişi ýaly, Türkmenistan bilen Peterburgyň arasyndaky ykdysady hyzmatdaşlyk ösdürilýär. Türkmenistanda ýol we inženerçilik desgalarynyň gurluşygynda peterburgly kompaniýalar gatnaşýar. Amala aşyrylan taslamalaryň hatarynda – Aşgabadyň günortasynda sil suwlaryny sowujy akabalaryň gurluşygy bar. Ol “Wozroždeniýa” kompaniýasy tarapyndan guruldy. Kompaniýa işiniň dowamynda Türkmenistanda 25 sany iri desgany, şol sanda magistrallary, köprüleri gurdy.
“Güýç maşynlary” kompaniýasy “Türkmenenergo” bilen üstünlikli hyzmatdaşlyk edýär.
Şeýle hem medeni we bilim ulgamynda hyzmatdaşlyk berkidilýär. Geçen okuw ýylynda Peterburgyň ýokary okuw mekdeplerinde Türkmenistandan 2 müňe golaý talyp bilim aldy.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
Nebitgaz toplumynda on aýyň jemlerine garaldy
6-njy noýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.
Hökümet mejlisinde ýangyç-energetika toplumynyň işiniň ýanwar-oktýabr aýlary boýunça jemleri jemlenildi
5-nji noýabrda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi. Bu barada TDH habar berýär.
Daşoguz welaýatynda azotly dökünleri öndürýän iri himiýa toplumy gurlar
4-nji noýabrda Türkmenistanyň Prezidenti Serdar Berdimuhamedowyň gatnaşmagynda Daşoguz welaýatynyň Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak dabarasy geçirildi diýip, TDH habar berýär.
