TDHÇMB-da polipropileniň bahasy rekord derejesine baryp ýetdi
Türkmenistanyň Döwlet haryt-çig mal biržasynda täze rekord hasaba alyndy. 10-njy martda geçirilen söwdalarda rafiýa sortly polipropileniň 1,5 müň tonnasy eksport üçin satuwa çykaryldy. Ol Türkmenbaşydaky nebiti gaýtadan işleýän zawodlar toplumynda öndürildi.
Polipropileniň başlangyç bahasy bir tonnasy üçin 1 müň 515 dollar derejesinde kesgitlendi. Söwdalaryň barşynda polimeriň bahasy tiz ýokarlanyp, bir tonnasyny üçin 1 müň 775 dollara baryp ýetdi. Özi-de geleşikler önümi alty aýyň dowamynda ugratmak şerti bilen baglaşyldy.
ICIS halkara analitik kompaniýasynyň maglumatlaryna görä, dünýä bazarlarynda polipropileniň bahasy geçen ýylyň dekabrynda ýokarlanyp başlady. Şeýle ýagdaý Türkmenistanyň Döwlet haryt-çig mal biržasynda hem duýulýar. Şeýlelikde, şu ýylyň fewralynda TDHÇMB-da dowamly arakesmeden soň polipropileniň 1 müň tonnasy satuwa çykarylyp, başlangyç bahasy 1 müň 50 dollardan goýuldy. Söwdalaryň geçirilmegi netijesinde Türkmenbaşydaky nebiti gaýtadan işleýän zawodlar toplumynyň bu önümi tonnasy üçin 1 müň 215 dollar bahadan ýerlenildi, bu görkeziji soňky iki ýylyň dowamynda iň ýokary baha boldy.
Geçen ýyl koronawirusyň pandemiýasy zerarly bazarlarda nebithimiýa önümlerine bolan isleg pese gaçdy we degişlilikde bahalar aşak düşdi. Deňeşdirmek üçin: 2020-nji ýylyň martynda Gyýanlydaky polimer zawody tarapyndan öndürilen polipropilen ortaça tonnasy üçin 750 dollardan satyldy. 2020-nji ýylyň dekabrynda polimere bolan isleg ýene-de ýokarlanyp başlady. Hususan-da, daşary ýurt kompaniýalary DHÇMB-da bahasy 1 müň 50 dollar bolan polipropileniň 5 müň tonnasyny satyn aldylar.
Ýeri gelende ýatlasak, geçen ýyl Türkmenistanyň bitaraplygynyň 25 ýyllygyna bagyşlanyp geçirilen Halkara serginiň çäklerinde «Türkmengaz» döwlet konserni polimer önümleriniň uly tapgyrlaryny satmak üçin «AFFINIQUE TRADING L.L.C» (BAE), «TransHim» we «Kartli» (Russiýa Federasiýasy), «MARMARA POLIMER VE TEKSTIL TICARET ANONIM SIRKETI» (Türkiýe) kompaniýalary bilen şertnamalary baglaşdy.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
