Aşgabatda «Türkmenistanyň nebiti we gazy – OGT 2025» XXX halkara sergisi açyldy
22-nji oktýabrda irden Aşgabatda Türkmenistanyň Söwda-senagat edarasynda «Türkmenistanyň nebiti we gazy – 2025» (OGT 2025) halkara forumy öz işine başlady.
Sergä 100-den gowrak kompaniýa, şeýle hem Türkmenistanyň degişli ministrlikleri we pudak edaralary gatnaşýarlar.
30 ýyl bäri geçirilýän bu sergi «Türkmenistanyň nebiti we gazy» ady bilen nebitgaz we energetika ugrundaky öňdebaryjy hünärmenleriň duşuşýan esasy meýdançasy hökmünde tanalýar. Bu ýerde hyzmatdaşlyk boýunça ylalaşyklar, Ähtnamalar we şertnamalar baglaşylýar. Maslahatyň we serginiň gatnaşyjylarynyň hatarynda dünýäniň iri nebitgaz we energetika kompaniýalary bar.
Bu gezekki sergä ýygnanan köp sanly myhmanlar Türkmenistanyň Prezidenti Serdar Berdimuhamedowyň halkara maslahata we sergä gatnaşyjylara iberen gutlagyny uly gyzyklanma bilen diňlediler. Döwlet Baştutany bu forumuň daşary ýurtly hyzmatdaşlar bilen özara bähbitli gatnaşyklaryň ösdürilmegindäki möhüm ornuny nygtady.
“Şu ýyl 30-njy gezek ýokary derejede geçirilýän bu halkara maslahatyň we serginiň ýurdumyzyň hünärmenleri bilen daşary ýurtly hyzmatdaşlarymyzyň özara tejribe we pikir alyşmagynda, geljekde giň gerimli hyzmatdaşlygy has-da ösdürmekde uly ähmiýete eýe boljakdygyna berk ynanýaryn” diýip, döwlet Baştutany belleýär.
Döwlet Baştutanynyň belleýşi ýaly, Garaşsyz, hemişelik Bitarap Türkmenistan deňhukukly we özara bähbitli hyzmatdaşlyk etmäge isleg bildirýän taraplaryň ählisine giň mümkinçilikleri açýar. Ýurdumyzyň durnukly ösýän ykdysadyýeti daşary ýurt işewürlerinde ynamy berkidip, geljegi uly taslamalara maýa goýumlary gönükdirmäge islegleri artdyrýar.
Sergide ýurdumyzyň nebitgaz toplumyna degişli kärhanalaryň diwarlyklary giňden görkezilýär.
Öz pawilýonlaryny «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy görkezýärler. Olar öz iş ugurlary, üstünlikleri we öndürijilikde gazanan sepgitleri barada giň maglumat hödürleýärler.
Sergide şeýle hem Ýagşygeldi Kakaýew adyndaky Türkmenistanyñ Halkara nebiti we gazy uniwersiteti öz diwarlygyny görkezdi.
Bu ýerde daşary ýurt kompaniýalary hem giň derejede orun aldylar — olaryň arasynda Türkmenistan bilen köp ýyllap hyzmatdaşlyk edýän hem-de ýurdumyza ilkinji gezek gelen kompaniýalar bar. Şolaryň hatarynda Rönesans, Dragon Oil, CNPC, Petronas we beýlekiler bar.
22-nji oktýabrda günüň ikinji ýarymynda maslahat öz işine başlady. Onda esasy üns daşary ýurt maýa goýumlaryny çekmek hem-de dünýä energetika ulgamyndaky täzelikler bilen bagly meseleleriň seljerilmegine gönükdiriler. Ekologiýa, täzelenýän energiýa çeşmeleri we wodorod tehnologiýalary boýunça umumy mejlisleriň geçirilmegi meýilleşdirilýär.
Forum «Energiýa. Täzeleniş. Ösüş» diýen şygar bilen geçýär. Esasy mowzuk bolsa «Halkara parahatçylyk we ynanyşmak ýylynda dünýä energetikasynyň geljegini emele getirýäris — innowasiýalar, energiýa geçişi we strategik hyzmatdaşlyk» görnüşinde beýan edilýär.
Dünýäniň öňdebaryjy nebitgaz kompaniýalarynyň ýolbaşçylaryny bir ýere jemleýän bu halkara maslahata 70 ýurtdan 1400-den gowrak wekiliň gatnaşýandygy bellenilýär.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
