Türkmen ýaşlarynyň Astanadaky üstünligi: «Oguzrobot» Hytaýda geçiriljek ýaryşa gatnaşmaga hukuk gazandy
2026-njy ýylyň 10-13-nji fewraly aralygynda Gazagystanyň paýtagtynda geçirilen FIRST Tech Challenge (FTC) robot tehnikasy boýunça çempionatyň sebit tapgyry ýurdumyzyň okuwçylary üçin uly üstünlik bilen tamamlandy. Ýurdumyza wekilçilik eden «Oguzrobot» topary ýaryşda ýokary taýýarlyk derejesini görkezip, Hytaý Halk Respublikasynda geçiriljek bäsleşige gatnaşmaga hukuk gazandy.
Astanadaky ýaryş özüniň gerimi we gatnaşyjylarynyň derejesi bilen tapawutlandy. Çempionata dünýäniň dürli künjeklerinden, şol sanda Hongkongdan, Estoniýadan, Wýetnamdan, Gyrgyzystandan, Özbegistandan we Gazagystandan jemi 80-e golaý topar gatnaşdy. Şeýle ýokary bäsdeşlik şertlerinde türkmen ýaşlarynyň görkezen netijeleri uly gyzyklanma döretdi.
Ilkinji tapgyrlarda ähli garşydaşlaryndan üstün çykan ýaşlarymyz, bäsleşigiň iň gyzykly pursady bolan saýlama tapgyryna geçmegi başardylar. Saýlama tapgyryň iň çylşyrymly dört oýnunyň ikisinde ýeňiş gazanan toparymyz, robotyň dizaýny we programmalanyşy boýunça eminleriň ýokary bahasyna mynasyp boldy. Eminleriň gelen netijelerine laýyklykda, «Oguzrobot» toparyna görkezen innowasion çözgütleri we ýokary tehniki ukyplary üçin Hytaý Halk Respublikasynda geçiriljek halkara robot ýaryşyna gatnaşmak üçin ýörite hukuk (kwota) berildi.
Ýeri gelende aýtsak, ýaryşa gatnaşan toparlar Aşgabat şäherindäki 97-nji we 86-njy ýöriteleşdirilen orta mekdepleriň okuwçylaryndan düzülip, olar paýtagtymyzdaky «Kämil bilim» okuw merkezinde düýpli taýýarlyk geçdiler.
Geçen ýyl Astanada geçirilen bäsleşikde «Halkara üstünlik» baýragyny alan ýaşlarymyzyň bu ýyl Hytaýa ýollanma gazanmagy, ýurdumyzda STEM (ylym, tehnologiýa, inženerçilik we matematika) biliminiň ýylsaýyn kämilleşýändiginiň aýdyň subutnamasydyr.
Aşgabatda «Nebit-gaz» gazetiniň 15 ýyllyk ýubileýi dabaraly bellenildi
«Nebit-gaz» gazetiniň redaksiýasynda neşiriň ilkinji sanynyň çykan gününden bäri 15 ýyllygy mynasybetli dabaraly çäre geçirildi. Baýramçylyga Türkmenistanyň Nebitgaz toplumynyň işgärleriniň kärdeşler arkalaşygy Geňeşiniň, «Türkmengaz» we «Türkmennebit» döwlet konsernleriniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
Türkmenistanyň erkin göreşçileri okuw-türgenleşik ýygnanyşyklaryny geçirdiler
2026-njy ýylyň awgust aýynda Mary we Aşgabat şäherlerinde erkin göreş boýunça geçirilen tapgyrlaýyn okuw-türgenleşik ýygnanyşyklary sport ussatlygyny ýokarlandyrmaga, tejribe alyşmaga hem-de pälwanlaryň geljekki ýaryşlara fiziki taýýarlygyny pugtalandyrmaga gönükdirildi.
