BÄSDEŞLIGE UKYPLY AÝAKGAPLAR
Türkmenistanyň Dokma senagaty ministrliginiň, Türkmenistanyň Senagatçylar we telekeçiler birleşmesiniň agzasy bolan «Röwşen aýakgaplary» kärhanasynyň paýly gatnaşygy esasynda Mary şäheriniň ozalky Gön kärhanasynyň binýadynda esaslandyrylan «Maryderi-aýakgap» açyk görnüşli paýdarlar jemgyýetiniň önümçilik bölümlerinde döwletimiziň harby we hukuk goraýjy edaralarynyň sargytlary esasynda aýakgaplar, egin-eşikler, emeli sütükli gulakjynlar we beýleki önümler öndürilýär.
Paýdarlar jemgyýetiniň önümçilik bölümleri dünýäniň, Ýewropa döwletleriniň öňdebaryjy kompaniýalarynyň iň kämil tehnologiýaly tikinçilik enjamlary bilen enjamlaşdyrylandyr. Bu ýerde zähmet çekýän işgärler ol enjamlara başarjaňlyk bilen erk edýärler.
«Maryderi-aýakgap» açyk görnüşli paýdarlar jemgyýetiniň aýakgap önümçiligi bölüminde ýurdumyzyň nebitgaz pudagynyň, himiýa senagatynyň, gurluşyk ulgamynyň edara-kärhanalarynyň sargytlary esasynda ýörite işçi aýakgaplary hem köpçülikleýin öndürilýär. Şol önümler daşary döwletlerden getirilýän harytlar bilen bäsleşip bilýän ýokary hilli önümlerdir.
«Garaşsyz, baky Bitarap Türkmenistan — bedew batly at-myradyň mekany» ýylynda kärhananyň aýakgap önümçiligi bölüminiň işgärleri «Türkmengaz» döwlet konserninden gelip gowşan sargyt esasynda gazçylar üçin kelte gonçly ýörite işçi aýakgaplarynyň uly tapgyryny öndürmeklige girişdiler. Türkmenistanyň Senagatçylar we telekeçiler birleşmesiniň agzasy bolan Mary şäherindäki «Maksat-deri» açyk görnüşli paýdarlar jemgyýetinde öndürilýän ýokary hilli, ekologiýa taýdan arassa gön önümleri aýakgaplary öndürmek üçin çig mal bolup hyzmat edýär. Dünýä ölçegleriniň derejesine laýyk şol gön önümleri tikilýän aýakgaplaryň ýokary hilli, aýaga ýakymly, rahat bolmagyny şertlendirýär. Tikin önümçiligi bölüminiň tikinçileri we beýleki işgärleri eýýäm gazçylar üçin işçi aýakgaplarynyň on müň jübütini tikip taýýar etdiler.
«Maryderi-aýakgap» açyk görnüşli paýdarlar jemgyýetiniň işgärleri önümçilige giň gerim bermek bilen, konserniň sargydy esasynda işçi aýakgaplarynyň ýene-de ýigrimi müň jübütini öndürmekligi aýdyň maksat edinýärler.
Wagyz-nesihat çäresi geçirildi
Türkmenistanyň Halk Maslahatynyň mejlisiniň taryhy-syýasy ähmiýetini ýaşlaryň arasynda giňden wagyz etmek maksady bilen, «Türkmennebit» döwlet konserniniň Balkanabat nebitçilik orta hünär okuw mekdebinde jemgyýetçilik guramalarynyň, hukuk goraýjy edaralaryň wekilleriniň, mekdebiň mugallymlarynyň hem-de talyplarynyň gatnaşmagynda «Türkmen halkynyň Milli Lideriniň nusgalyk Döwlet taglymaty we Arkadagly Gahryman Serdarymyzyň baştutanlygynda ösüşiň demokratik ýoly bilen geljege tarap» atly wagyz-nesihat çäresi geçirildi.
Malaýziýanyň ykdysadyýet ministri: biz Türkmenistan bilen uzak möhletleýin hyzmatdaşlyga ygrarlydyrys
«Energetika. Hyzmatdaşlyk. Ösüş» şygary astynda geçirilýän «Türkmenistanyň nebiti we gazy — 2026» (OGT 2026) maslahatynyň mejlisiniň açylyşynda Malaýziýanyň ykdysadyýet ministri Akmal Nasrulla bin Mohd Nasir çykyş etdi.
“Merkezi Aziýanyň gaz halkasy” — türkmen gazynyň eksportynda goşmaça ugur bolup biler - GGC
«Merkezi Aziýanyň gaz halkasy» taslamasy türkmen gazynyň eksporty üçin goşmaça sebitleýin ugur döredip biler diýip, Global gaz merkeziniň (GGC, Ženewa) ýerine ýetiriji direktory Waleri Dýukro «Türkmenistanyň nebiti we gazy — 2026» atly 31-nji halkara maslahatynda we sergisinde belledi.
BOTAŞ Hazarüsti gaz geçirijisi arkaly türkmen gazyny Türkiýä we Ýewropa ibermegi ýola goýmagy maksat edinýär
BOTAŞ kompaniýasy üçin türkmen gazyny Hazarüsti turba geçirijisi arkaly Türkiýä daşamak we soňra ony Ýewropa ibermek strategik maksat bolmagynda galýar.
«Türkmengaz» DK-nyň başlygy gaz pudagynyň ösüşiniň esasy ugurlary barada gürrüň berdi
Türkmenistanyň Döwlet ministri — “Türkmengaz” döwlet konserniniň başlygy Maksat Babaýew OGT 2026 halkara maslahatynda Türkmenistanyň gaz pudagynyň ösüşiniň esasy ugurlaryny beýan etdi.
