Daşoguz» şypahanasynda ýokary hilli lukmançylyk hyzmatlary hödürlenilýär
4,5 gektar meýdany eýeleýän iň kämil lukmançylyk enjamlary bilen doly üpjün edilen «Daşoguz» şypahanasynda saglygyny dikeltmäge hem-de dynç almaga gelýänlere halkara derejesinde ýokary hilli lukmançylyk hyzmatlary hödürlenilýär.
Şypahanada daýanç-hereket synalarynyň keselleri, artroz, şikesden soňky artrit, spondilýoz, spondilopatiýa, spondiloartroz, osteohondroz, muskul we süňk keselleri, kontraktura, osteomiýelit (ýarasyz), radikulit, poliradikulonewrit, polinewrit, şikesden soňky newritler, merkezi nerw ulgamynyň keselleri we döwükden soňky ýagdaýlar, sowuklama, önelgesizlik, deri keselleri, peşew bölüp çykaryş ýollarynyň keselleri, babasil kesellerinden sagaldyş işleri amala aşyrylýar.
Şypahananyň ähli bölümleri dünýäde meşhur lukmançylyk enjamlaryny we tehnologiýalaryny öndürýän «Siemens», «Hab-Herman» (Germaniýa), «Akwamassaž» (ABŞ), «BTL» (Beýik Britaniýa) we beýleki öňdebaryjy kompaniýalaryň döwrebap enjamlary bilen doly üpjün edilendir. Munuň özi ýokarda bellenip geçilişi ýaly, dürli keselleri talabalaýyk anyklamakda we netijeli bejermekde giň mümkinçilikleri döredýär.
Bu ýerde öz saglygyny dikeltmäge gelýän raýatlarymyz bejerginiň bir tapgyrynyň dowamynda palçyk bilen günaşa bäş bejergi we şonça-da suwly wanna alyp bilýärler. Şypahanada saglygyny dikeldýänler melhemlik otlaryndan wannalar, bejeriş wannalary, ýod-bromly mineral suwly wannalar, otly wannalar, ozokerit, Mollagara palçygy ýaly melhemlerden hem-de owkalamak, iňňe terapiýasy we elektrik togy, şeýle-de, bedenterbiýe we saglygy dikeldiş otagy arkaly berilýän toplumlaýyn bejergilerden doly şypa tapyp bilerler. Olara tejribeli lukmanlar we şepagat uýalary ýokary derejede şypahana hyzmatyny edýärler.
Saglygyny dikeltmäge hem-de dynç almaga gelýän bagtyýar ildeşlerimiz şular ýaly ajaýyp mümkinçilikleri bolan döwrebap şypahana toplumyny gurduryp beren Gahryman Arkadagymyzyň adyna tüýs ýürekden alkyş sözlerini aýdýarlar.
Muhammetnur BÄŞIÝEW,
Türkmen döwlet binagärlik - gurluşyk institutynyň talyby.
Türkmenistan energohowpsuzlygyň esasy kepillendirijisi derejesini berkidýär
21-23-nji oktýabrda Aşgabat “Türkmenistanyň nebiti we gazy – OGT 2026” atly 31-nji Halkara maslahatyny we sergini kabul etmek bilen, dünýäniň energetika dialogynyň merkezine öwrüler. Otuz ýyldan gowrak wagtyň dowamynda bu forum daşary ýurtly hyzmatdaşlar bilen hyzmatdaşlygy ösdürmek üçin baş meýdançanyň derejesini üýtgewsiz tassyklap gelýär.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
