Dünýä bazarlarynda ýokary hilli Türkmen polietileni uly islege eýe boldy
14:28 27.10.2020
Türkmenistanyň Döwlet haryt-çig mal biržasynda (TDHÇMB) Gyýanlydaky polimer zawodynyň öndürýän polietileniniň satuwlary ep-esli artdy.
Energetika we haryt-çig mal bazarlaryny beýan edýän «ARGUS MEDIA» halkara garaşsyz agentliginiň habar berşi ýaly, şu ýylyň sekiz aýynda TDHÇMB-de polietileniň 128,5 müň tonnasy satyldy, bu görkeziji geçen ýylyň degişli döwri bilen deňeşdireniňde 93,3 müň tonna köpdür. Şeýlelikde, Hytaýa, Türkiýä, Russiýa we beýleki ýurtlara eksport edilýän bu önüme bolan isleg 3,7 essä golaý artdy.
«ICIS» dünýä analitik kompaniýasynyň maglumatlaryna görä, awgust aýynda Türkmenistan pes basyşly polietileni Türkiýä iberýän üç sany esasy döwletleriň hataryna girdi. Türkiýäniň bazaryna bu polimer materialyň 7 müň tonna golaýy ugradyldy. Ýeri gelende aýtsak, ýokary dykyzlykdaky polietileniň uly tapgyrlary sentýabr we oktýabr aýlarynda dünýäniň işewür toparlarynyň wekilleri tarapyndan satyn alyndy, şol sanda Türkiýä, Hytaýa, Owganystana, Pakistana, Hindistana, Günorta-Gündogar Aziýanyň, şeýle hem GDA-nyň ýurtlaryna ugradyldy.
Dünýä ykdysadyýetinde koronawirusyň pandemiýasy bilen şertlendirilen çylşyrymly ýagdaý zerarly maşyngurluşyk, awtomobil, elektron we elektrotehnika, dokma pudaklarynda, himiýa we gurluşyk senagatynda plastmassa bolan islegiň peselendigini bellemek gerek. Şol bir wagtda saglygy goraýyş, azyk senagaty we söwda ulgamlarynda bolsa polimer önümlerine bolan isleg ýokarlandy. Polietilen we polipropilen gaplaýyş materiallaryny — çüýşeleri, gapaklary, bir gezek ulanylýan polietilen önüm haltalaryny, şeýle hem lukmançylyk örtüklerini, bahilleri, halatlary we beýlekileri öndürmek üçin ulanylýar.
TOPH taslamasy, “Galkynyş” käni we Türkmenistanyň nebitgaz toplumyny ösdürmegiň beýleki ugurlary – TEIF 2024 foýumynyň üns merkezinde
Türkmenistanyň Ministrler Kabinetiniň Başlygynyň orunbasary Batyr Amanow çarşenbe güni öz işine başlan Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme mejlisinde eden çykyşynda Türkmenistan-Owganystan-Pakistan-Hindistan (TOPH) transmilli gaz geçirijisiniň taslamasyny durmuşa geçirmegiň barşy barada habar berdi.
Azerbaýjan türkmen tebigy gazynyň satyn alynýan möçberini artdyrýar
Azerbaýjan 2024-nji ýylyň ýanwar-fewral aýlarynda Eýranyň üsti bilen swop (alyş-çalyş) amallarynyň çäklerinde Türkmenistandan alýan tebigy gazynyň möçberlerini geçen ýylyň degişli döwri bilen deňeşdirilende 2,4 göterim artdyrdy diýip, ABC.AZ agentligi habar berýär.
Garaşsyzlyk bilen galkynan şahyryň täze kitaby neşir edildi
Garaşsyzlyk ýyllarynda ýazyjy-şahyrlaryň, žurnalistleriň, umuman, medeniýet we sungat bilen meşgullanýan ähli adamlaryň dürli neşirlerde köpçülige ýetirýän eserlerinde galkynyşyň, ruhubelentligiň, ýurdumyza guwanç, buýsanç duýgusynyň güýçlüdigi mese-mälim görünýär.
Türkmenistan halkara maýadarlaryna ýangyç-energetika toplumynda birnäçe taslamalara gatnaşmaga çagyrýar
Parižde badalga alan forumyň maksady Türkmenistanyň energetika pudagynyň ähli ulgamlaryna göni daşary ýurt maýa goýumlaryny çekmek bolup durýar diýip, Türkmenistanyň Prezidentiniň nebitgaz meseleleri boýunça geňeşçisi 24-nji aprelde forumyň açylyş dabarasynda eden çykyşynda belledi.
«Energetika diplomatiýasynyň esaslary we energiýa serişdeleri»
Ýakynda şeýle at bilen täze kitap okyjylar köpçüligine we talyplara okuw gollanmasy hökmünde gowuşdy. Bu kitap nebitgaz toplumynyň işgärleri üçin uly sowgat boldy.