Owganystan TOPH gaz geçirijisi boýunça işlere başlamaga taýýar — HBS
Türkmenistan – Owganystan – Pakistan – Hindistan gaz geçirijisiniň taslamasy boýunça işleri başlamaga taýýarlygy barada Owganystanyň şahtalar we nebit ministrligi habar berdi diýip, BaaghiTV pakistan agentligi ýetirýär.
Owganystanyň şahtalar we nebit ministrligi Yslam Emirliginiň TOPH gaz geçirijisiniň taslamasy boýunça işleri doly derejede başlamaga taýýarlygyny beýan etdi diýip, BaaghiTV pakistan agentligi habar berýär.
Edaranyň wekili Homaýun Afganyň sözlerine görä, taslamanyň durmuşa geçirilmegi üçin böwet bolan ýuridiki we tehniki päsgelçilikleri aradan aýryldy.
Owganystanyň ykdysadyýet ministriniň orunbasary Abdul Latif Nazari degişli ýurtlary we Bütindünýä bankyny «ähli taraplaryň sebit maksatlaryna ýetmegi üçin TOPH taslamasynyň maliýe tarapynda ünsüni jemlemäge çagyrdy».
Yslam Emirliginiň wekili Zabiulla Mujahidiň habar bermegine görä, TOPH turba geçirijisiniň taslamasyna gatnaşýan birnäçe ýurtlaryň wekilleri bilen birnäçe duşuşyklaryň geçirilendigini habar berdi.
Owgan ykdysatçylarynyň pikirine görä, TOPH taslamasy ýurduň ykdysadyýetiniň özmegi üçin möhümdir.
«Bu taslamanyň durmuşa geçirilmegi geosyýasy we ykdysady tarapdan Owganystanyň ornuny berkider, ol Owganystanyň elektrik energiýasyna we gaza bolan zerurlygyny kanagatlandyrar» - diýip, çeşme analitik Darýa Han Bahiriň sözlerini getirýär.
Rus kompaniýalarynyň Owganystanyň çäginde TOPH gaz geçirijisiniň gurluşygyna gatnaşmaga gyzyklanma bildirýändigi barada ýakynda Russiýanyň Kabuldaky ilçisi Dmitriý Žirnow habar berdi.
TOPH taslamasyny durmuşa geçirmek meseleleri ýakynda Yslamabatda geçirilen türkmen-pakistan seminarynda hem maslahatlaşyldy. Onuň barşynda Türkmenistanyň ilçisi Atajan Möwlamow TOPH taslamasyny maliýeleşdirmek işiniň meseleli ýagdaý däldigini belledi.
Öň habar berlişi ýaly, ýyllyk kuwwaty 33 milliard kub metr boljak TOPH gaz geçirijisi «Galkynyş» türkmen gaz käninden başlap, Hyrat we Kandagar owgan şäherlerinden, Kwetta we Multan pakistan şäherlerinden geçirip, Hindistanyň günbatarynda Fazilka diýen ýere çenli çekiler. Umumy uzynlygy - 1814 km, şolardan 207 km Türkmenistandan, 774 km - Owganystandan we 826 km – Pakistandan Hindistanyň serhedine çenli geçer.
Taslama Russiýanyň, ABŞ-nyň we beýleki ýurtlaryň goldawyny aldy. TOPH taslamasyny maliýeleşdirmeklige gatnaşmaga meýli barada AÖB, ÝÖTB, YÖB, Saud ösüş gaznasy we beýlekiler mälim etdiler.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
