Türkmenistan dünýäniň habar beriş serişdeleriniň üns merkezinde
Türkmenistan şu günlerde ýene-de dünýäniň esasy habarlar agentlikleriniň, şeýle hem köpsanly internet-saýtlaryň täzeliklerdir habarlarynda köp agzalýan geografik atlaryň birine öwrüldi. Dünýäniň habar beriş serişdeleriniň, syýasy we işewür toparlarynyň ünsi jemgyýetçilik seslenmesine eýe bolan şanly wakalara — ulag, energetika we aragatnaşyk ulgamlarynyň täze desgalarynyň ulanmaga berilmegi mynasybetli geçirilen dabaralara gönükdi. Olaryň açylyş dabarasyna teleköpri arkaly Türkmenistanyň Prezidenti Gurbanguly Berdimuhamedow hem-de Owganystan Yslam Respublikasynyň Prezidenti Mohammad Aşraf Gani gatnaşdylar.
Daşary ýurt metbugatynyň habarlarynda ýurdumyzyň gatnaşmagynda amala aşyrylýan iri düzüm taslamalarynyň möhüm ähmiýeti bellenilýär, olar Owganystanyň ykdysadyýetini dikeltmäge, halkara söwda-ykdysady gatnaşyklaryny ösdürmäge, sebitde parahatçylygy we durnuklylygy berkitmäge ýardam edýär.
Daşary ýurt neşirleri milli Liderimiz Gurbanguly Berdimuhamedowyň çykyşynda sözlän sözlerini getirmek bilen, Türkmenistanyň energetika serişdelerini dünýä bazarlaryna ygtybarly üstaşyr ugratmak, ulagyň ähli görnüşleriniň arasyndaky gatnaşyklary pugtalandyrmak boýunça işläp taýýarlan we öňe süren Rezolýusiýalarynyň taslamalarynyň BMG-niň Baş Assambleýasy tarapyndan biragyzdan kabul edilendigini belleýärler.
Hytaýyň, Russiýanyň, Pakistanyň, Azerbaýjanyň, Gyrgyz Respublikasynyň we beýleki döwletleriň habarlar agentlikleri we ýöriteleşdirilen pudaklaýyn neşirleri «Malaý» gaz käninde gaz gysyjy bekediň ulanmaga berilmegine hem aýratyn üns berdiler, bu ýatak Türkmenistan — Hytaý gaz geçiriji turba tebigy gazy akdyrýan çig mal çeşmeleriniň biridir.
«Hytaýyň milli nebitgaz korporasiýasy (CNPC) nebitgaz ulgamynda Türkmenistan bilen hyzmatdaşlygy giňeltmäge taýýardyr» diýip, «Sinhua» habarlar agentligi belleýär.
«Türkmenistanyň Prezidenti Gurbanguly Berdimuhamedow açylyş dabarasynda çykyş edip, dünýäde emele gelen çylşyrymly ýagdaýlara garamazdan, ýurdumyzda ulanmaga berilýän desgalaryň gurluşygynda ekologiýa talaplaryna, döwrebap innowasiýalara, ösen tehnologiýalara möhüm ähmiýetiň berilýändigini aýtdy» diýlip, esasy hytaý habar beriş serişdeleriniň ýaýradan habarynda bellenilýär.
Şeýle hem «Sinhua» agentligi «CNPC International Turkmenistan» kompaniýasynyň baş direktory Li Şulýanyň çykyşyndan sözleri getirdi, ol Türkmenistanyň nebitgaz pudagynyň sazlaşykly ösüş depginlerini, onuň uglewodorodlary gözlemekde we işläp taýýarlamakda, tebigy gazy ugratmakda, şeýle hem gazhimiýa senagatynda üstünlikleri gazanandygyny belledi. Şunda nygtalyşy ýaly, «Malaý» gaz käninde täze gaz gysyjy bekediň ulanmaga berilmegi ýatagy işläp taýýarlamagyň ikinji tapgyryna badalga berdi, bu bolsa pudagyň önümçilik kuwwatlyklarynyň artmagyna hem-de dünýäniň nebitgaz bazarynda Türkmenistanyň ornunyň berkemegine ýardam eder.
«Tebigy gazyň gorlary boýunça Merkezi Aziýada birinji orna we dünýäde dördünji orna eýe bolan Türkmenistana nebitgaz ulgamynda ählumumy we sebit derejesindäki hyzmatdaşlykda möhüm orun degişlidir» diýip, RIA «Nowosti» hem-de Nebitgaz habarlary agentligi (Russiýa) «CNPC International Turkmenistan» kompaniýasynyň ýolbaşçysynyň sözlerini mysal getirdiler.
«Eksport üçin gaz: Türkmenistanda Hytaýa ýangyç ugradýan gaz gysyjy beket işe girizildi» diýip, «MIR 24» teleýaýlymy habar berýär. Şeýle hem bu waka baradaky habarlary öz saýtlarynda «MENAFN», «Golos SNG», «Kabar», «Macau Business», «OilGasDaily», «Business Recorder», «Finmarket», «IndexMundi», «SpaceDaily», «News24», «China Daily Information», «CentralAsia.news», «SNGToday», «Nowosti Azerbaýjana», «Turan», «Interfaks-Azerbaýjan», «AKIpress», dünýäniň beýleki habar beriş serişdeleri ýerleşdirdiler.
Ussat news
Prezident “Türkmengaz” DK-nyň netijeliligini ýokarlandyrmak boýunça teklibi goldady
27-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Bu barada TDH habar berýär.
Balkanabatda zehinli ýaşlaryň intellektual bäsleşigi geçirildi
«Kämil bilim» okuw merkeziniň Balkanabat şäherindäki şahamçasynda ýaşlaryň arasynda üç tapgyrdan ybarat bolan «Brain-ring» intellektual bäsleşigi geçirildi. Bu çäre Balkan welaýat Baş bilim müdirligi, Magtymguly adyndaky Ýaşlar guramasynyň welaýat geňeşi hem-de «Kämil bilim» okuw merkeziniň Balkanabat şäherindäki şahamçasy tarapyndan bilelikde guraldy.
Türkmen halkynyñ Milli Lideri Gurbanguly Berdimuhamedowyñ “Al-Arabiýa” teleýaýlymyna interwýusy
Hormatly Prezidentimiz Serdar Berdimuhamedowyň parasatly ýolbaşçylygynda üstünlikli durmuşa geçirilýän syýasatyň netijesinde ýurdumyzyň dünýäniň syýasy-ykdysady giňişliginde eýeleýän orny barha pugtalandyrylýar, dünýä ýurtlary we halkara guramalar bilen hyzmatdaşlyk gatnaşyklar işjeňleşdirilýär.
Türkmenistanyň Bilim ministrligi Rumyniýanyň ýokary okuw mekdeplerine seçip alyş işini geçirýär
Rumyniýanyň ýokary okuw mekdeplerine umumy orta, orta hünär we ýokary hünär bilimli Türkmenistanyň raýatlarynyň resminamalary 2026-njy ýylyň 23-nji fewraly – 8-nji marty aralygynda Halkara ynsanperwer ylymlary we ösüş uniwersitetinde kabul edilýär.
Türkmen ýaşlarynyň Astanadaky üstünligi: «Oguzrobot» Hytaýda geçiriljek ýaryşa gatnaşmaga hukuk gazandy
2026-njy ýylyň 10-13-nji fewraly aralygynda Gazagystanyň paýtagtynda geçirilen FIRST Tech Challenge (FTC) robot tehnikasy boýunça çempionatyň sebit tapgyry ýurdumyzyň okuwçylary üçin uly üstünlik bilen tamamlandy.
