Hyundai Engineering Aşgabatda OGT-2023-de kümüş hyzmatdaş bolup çykyş eder
23:23 12.10.2023
25-27-nji oktýabrda Aşgabatda geçiriljek «Türkmenistanyň nebiti we gazy – 2023» (OGT 2023) Halkara sergisiniň we maslahatynyň başlanmagyna iki hepdeden hem az wagt galdy. Bu ýurdumyzyň energetika pudagy üçin möhüm çäreleriň biri bolup, onda ýurdumyzyň nebitgaz toplumyny ösdürmegiň ileri tutulýan meseleleri maslahatlaşylar.
Bu forum dünýäniň öňdebaryjy nebitgaz kompaniýalaryny, şeýle hem Türkmenistanyň we daşary ýurt kompaniýalarynyň pudaklaýyn edaralarynyň ýolbaşçylaryny bir ýere jemlär. Maslahatyň çäklerinde ählumumy energetika bazarynyňýörelgelerine, uglewodorod känlerini özleşdirmegiň geljegine we maýa goýumlaryny çekmeklige bagyşlanar.
Maslahat bilen ugurdaş sergi hem geçiriler. Onda nebitgaz pudagynyň gazananlary hödürlener.
Maslahata 300-den gowrak wekiliýetiň gatnaşmagyna garaşylýar. Maslahatyň barşynda Türkmenistanyň nebitgaz toplumynyň ýolbaşçylary bilen duşuşyklar guralar. Munuň özi hyzmatdaşlygyň ileri tutulýan ugurlaryny we täze maýa goýum taslamalaryny maslahatlaşmaga mümkinçilik berer.
“Hyundai Engineering” kompaniýasy “Türkmenistanyň nebiti we gazy-2023” (OGT-2023) atly 18-nji halkara maslahatyň we serginiň kümüş hyzmatdaşlarynyň biri boldy.
“Hyundai Engineering Co., Ltd” kompaniýasy 2009-njy ýyldan bäri “mawy ýangyç” ady bilen tanalýan Türkmenistanyň “Galkynyş” gaz käniniň özleşdirilmegine işjeň gatnaşdy. “Türkmen gaz” döwlet konserniniň, Günorta Koreýanyň we Hytaýyň nebitgaz düzümleriniň wekilleriniň bilelikdäki tagallalary bilen bu energiýa ägirdini özleşdirmegiň başlangyç tapgyry 2013-nji ýylda üstünlikli tamamlandy. Taslamanyň çäginde “Hyundai Engineering Co., Ltd” gazy kükürtden arassalaýjy zawod hem gurdy.
“LG International Corporation” bilen hyzmatdaşlygyň çäginde “Hyundai Engineering Co., Ltd.” Türkmenbaşydaky nebiti gaýtadan işleýän zawodlar toplumynda (TNGIZT) birnäçe täze tehnologiki bölümleri işe girizdi.
Hyzmatdaşlygyň ýene bir görkezijisi hökmünde Hazar deňziniň kenaryndaky Gyýanly şäherçesinde polietilen we polipropilen öndürmek boýunça iri gaz himiýa toplumynyň gurluşygyny görkezmek bolar. Bu taslamanyň umumy bahasy 3,4 milliard ABŞ dollaryndan gowrak bolup, onuň durmuşa geçirilmegine “Hyundai Engineering Co., Ltd.,” kompaniýasy, “Türkmengaz” döwlet konserni, Günorta Koreýanyň “LG International Corporation” kompaniýasy we Ýaponiýanyň “TOYO Engineering Corporation” kompaniýasy gatnaşdylar. Zawod daşky gurşawyň halkara standartlaryna laýyk gelip, oňa Britaniýanyň TXF guramasy tarapyndan 2014-nji ýylda Ýewropanyň we Ýewraziýanyň ekologiýa taýdan arassa on taslamanyň biri hökmünde şahadatnama berildi.
Nebitgaz toplumynda ýylyň dört aýynyň jemlerine garaldy
4-nji maýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň dört aýynda ýerine ýetirilen işleriň jemlerine bagyşlanan hasabat ýygnagy geçirildi.
Ýokary tizlikli awtomobil ýolunyň ugrunda täze AÝGB-ler işe girizildi
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Türkmengaz” DK önümçilik desgalaryny dolandyrmak we maglumatlary toplamak ulgamyny işe girizer
“Türkmengaz” döwlet konserni konserniň önümçilik desgalaryny merkezleşdirilen dessin-dispetçer dolandyryş we maglumat toplaýyş ulgamyny “açary gowşurmak” şerti bilen gurmak boýunça halkara bäsleşigiň deslapky saýlawyny yglan etdi. Bu barada bildiriş “Neýtralnyý Türkmenistan” gazetinde çap edildi.
Çig mala baý Nogaý käni
«Türkmennebit» döwlet konserniniň «Nebitgazburawlaýyş» trestiniň Körpeje buraw işleri müdirliginiň «gara altyn» we «mawy ýangyç» gözleýji burawlaýjy toparlarynyň «Pähim-paýhas ummany Magtymguly Pyragy» ýylynyň her bir aýynda ýerine ýetirýän giň gerimli işleri buýsanç bilen bellenilmäge mynasypdyr.
Nebitgaz toplumynda sport bäsleşikleri guramaçylykly geçirildi
Geçen hepdäniň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan nebitgaz toplumynyň işgärleriniň arasynda «Sagdynlyk we bagtyýarlyk» şygary astynda sportuň birnäçe görnüşleri boýunça bäsleşikler geçirildi.
