Serdar Gurbangulyýewiç Berdimuhamedow Türkmenistanyň Ministrler Kabinetiniň Başlygynyň orunbasary, Türkmenistanyň Ýokary gözegçilik edarasynyň başlygy wezipelerine bellendi
Türkmenistanyň Prezidentiniň
PERMANY
S.G.BERDIMUHAMEDOW hakynda
Serdar Gurbangulyýewiç Berdimuhamedowy Türkmenistanyň Ministrler Kabinetiniň Başlygynyň orunbasary, Türkmenistanyň Ýokary gözegçilik edarasynyň başlygy wezipelerine belläp, Türkmenistanyň Döwlet howpsuzlyk geňeşiniň düzümine girizmeli hemde ony Türkmenistanyň senagat we gurluşyk önümçiligi ministri wezipesinden boşatmaly.
Türkmenistanyň Prezidenti
Gurbanguly BERDIMUHAMEDOW.
Aşgabat şäheri, 2021-nji ýylyň 11-nji fewraly.
Serdar Gurbangulyýewiç BERDIMUHAMEDOW
1981-nji ýylda Aşgabat şäherinde doguldy. Ýokary bilimli. 2001-nji ýylda S.A.Nyýazow adyndaky Türkmen oba hojalyk uniwersitetini inžener-tehnolog hünäri boýunça tamamlady. Halkara gatnaşyklar boýunça hünärmen.
2001-nji ýylda Türkmenistanyň Azyk senagaty assosiasiýasynyň Daşary ykdysady aragatnaşyk müdirliginiň baş hünärmeni bolup zähmet ýoluna başlady.
2003 — 2008-nji ýyllar aralygynda Türkmenistanyň Azyk senagaty assosiasiýasynyň bölüminiň baş hünärmeni bolup işledi.
2008 — 2011-nji ýyllar aralygynda Türkmenistanyň Russiýa Federasiýasyndaky (Moskwa ş.) ilçihanasynyň geňeşçisi boldy.
2011 — 2013-nji ýyllarda Birleşen Milletler Guramasynyň Ženewadaky edarasynyň ýanyndaky Türkmenistanyň Hemişelik wekilhanasynyň geňeşçisi bolup işledi.
2013-nji ýylyň awgust aýyndan dekabr aýyna çenli Daşary işler ministrliginiň Ýewropa ýurtlary bölüminiň başlygy.
2013 — 2016-njy ýyllar aralygyndaky döwürde Türkmenistanyň Prezidentiniň ýanyndaky Nebitgaz serişdelerini dolandyrmak we peýdalanmak baradaky döwlet agentliginiň direktorynyň orunbasary.
2016- 2017-nji ýyllarda Daşary işler ministrliginiň Halkara habarlary departamentiniň başlygy boldy.
2017- 2018-nji ýyllarda Türkmenistanyň Mejlisiniň komitetiniň başlygy bolup işledi.
2018-2019-njy ýyllarda Türkmenistanyň daşary işler ministriniň orunbasary.
2019-2020-nji ýyllarda Ahal welaýatynyň häkiminiň orunbasary, häkimi boldy.
2020-nji ýylyň fewralyndan bäri Türkmenistanyň Senagat we gurluşyk önümçiligi ministri.
“Garaşsyz Türkmenistana bolan beýik söýgüsi üçin” ordeni, “Mälikguly Berdimuhamedow” medaly, “Türkmenistanyň Garaşsyzlygynyň 25 ýyllygyna” we “Türkmenistanyň Bitaraplygynyň 25 ýyllygyna” atly ýubileý medallary bilen sylaglanyldy.
Serdar Berdimuhamedow: — Ýurdumyzy ykdysady we senagat taýdan ösdürmek boýunça alyp barýan işlerimizi dowam ederis
23-nji sentýabrda Aşgabatda «Maslahat köşgi» köşgünde türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň Halk Maslahatynyň nobatdaky mejlisi geçirildi diýip, TDH habar berýär.
Türkmenistanyň nebitgaz toplumynyň wekilleri HUAWEI CONNECT 2026 halkara sergisine gatnaşdylar
Türkmenistanyň Prezidenti Serdar Berdimuhamedowyň paýhasly ýolbaşçylygy we goldawy bilen Türkmenistanyň nebitgaz toplumyny döwrebaplaşdyrmak we sanly ulgama geçirmek boýunça giň gerimli özgertmeler üstünlikli amala aşyrylýar.
Türkmenistanyň Pakistandaky ilçisi iri sebit taslamalarynyň barşy barada aýtdy
Türkmenistanyň Pakistandaky ilçisi Atajan Möwlamow Yslamabatda Lahoryň Söwda-senagat edarasy tarapyndan guralan «Ambassadors' Dinner 2026» atly däp bolan diplomatik agşamlyk naharyna baş myhman hökmünde gatnaşdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
