ŞATLYK GURBANNAZAROWYŇ kämillige uzaýan ýoly
Zehinli ýaş aýdymçy Şatlyk Gurbannazarow hoş owazly aýdymlary bilen teleradioýaýlymlarda ýygy-ýygydan çykyş edýär. Ol mukamçy kompozitor, ussat bagşy Döwletgeldi Ökdirowyň ýerine ýetiren «Bibijan», «Pyragyny gören daglar», «Zülpüň», «Maral», «Gözel Sumbaryň nary» ýaly aýdymlary bilen bilelikde ençeme estrada aýdymlaryny ussatlarça ýerine ýetirýär.
Şatlygyň «Güljemal», Magtymguly Pyragynyň sözlerine «Aýryldym» ýaly birnäçe aýdymlary wideoşekillere geçirilip, «Türkmen owazy» teleýaýlymy arkaly tomaşaçylara ýetirilýär. Ol ýurdumyzda geçirilýän baýramçylyk dabaralaryna işjeň gatnaşyp, aýdymlary bilen halkymyza hyzmat edýär. Ýaş aýdymçynyň her bir çykyşynda aýdym-saz sungatymyza bolan söýgüsini, yhlasyny duýmak bolýar.
Aýdym-saz sungatynyň muşdaklarynyň, aýratyn hem ýaşlaryň arasynda adygýan aýdymçy Şatlyk Gurbannazarow bilen söhbetdeş bolduk.
— Şatlyk, sen Türkmenistanyň halk artisti, professor Ýolaman Nurymowyň inileriniň biri. Diýmek, kiçiligiňizden aýdym-sazyň içinde terbiýelenen bolmaly. Ýolaman aganyň dogany Gurbannazar Nurymow hem belli sazanda bolan.
— Hawa, Gurbannazar Nurymow — atam. Kakam Bäşim Gurbannazarow, agalarym Ýagmyr, Atabaý aýdym-sazy hemra edinen sungat wekilleri. Dogry aýtdyňyz, kiçiligimden aýdym-saza ýykgyn etmegime maşgalamyzyň sungata söýgüsi sebäp boldy.
— Özüň barada, maşgalaňyz bilen bagly gürrüň beräýseň?
— Men 1993-nji ýylyň 7-nji aprelinde Ahal welaýatynyň Tejen etrabynyň «Täze oba» obasynda doguldym. 2013–2017-nji ýyllar aralygynda bolsa Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde okadym. «Halk saz gurallary» bölümini tamamladym. Dutar çalýaryn. Häzir Türkmen milli konserwatoriýasynyň «Estrada sungaty, saz mugallymçylygy» hünäriniň 3-nji ýyl talyby. Maşgalamyzda iki oglan, bir gyz dogan biz.
— Boş wagtlaryňyzy nähili geçirýärsiňiz?
— Boş wagtym aýdym-sazdan daşary futbol bilen meşgullanýaryn. Kitap okamagy gowy görýärin. Ussat şahyr Kerim Gurbannepesowyň goşgularyny ýatdan öwrenýärin. Şahyryň goşgularynyň köpüsi aýdyma öwrülen.
— Beren gürrüňleriňiz üçin köp sag boluň! Size sungat äleminde üstünlik arzuw edýäris.
— Sag boluň! Biz — ýaşlara kämilleşmek üçin çäksiz mümkinçilikleri döredip berýän hormatly Prezidentimize uzak ömür, jan saglyk, işlerinde rowaçlyk arzuw edýärin.
Goý, «Türkmenistan — rowaçlygyň Watany» ýylynda Gahryman Arkadagymyza, bütin il-ulsumyza, şol sanda ýurdumyzyň medeniýet we sungat işgärlerine diňe rowaçlyklar hemra bolsun!
Söhbetdeş bolan Akgül SAPAROWA,
USSAT NEWS.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
