Türkmenistanly kiçijik pianinoçynyň ilkinji ýeňişi
Berkarar döwletiň täze eýýamynyň Galkynyşy döwründe Garaşsyz, baky Bitarap Türkmenistan dünýä döwletleri bilen medeni hyzmatdaşlygyň gerimini barha giňeldýär. Hormatly Prezidentimiz Serdar Berdimuhamedow tarapyndan zehinli çagalary kesgitlemek we olaryň döredijilik netijelerini köpçülige tanatmak üçin ençeme mümkinçilikler döredilýär. Ýurdumyzda zehinleriň hünär taýdan ösmegi üçin ähli şertler bar.
Şol tagallalardan ugur alyp, Maýa Kulyýewa adyndaky Türkmen milli konserwatoriýasynyñ ýanyndaky Ýörite sazçylyk mekdep internatynyñ mugallymlary hem aýdym-saz sungatynyň ýokary çeperçilik mysallarynda çaganyň şahsyýetini terbiýelemek we ösdürmek ýaly işleri alyp barýar.
Ýakynda “Gyş ertekisi” atly X halkara çagalar bäsleşiginiň netijeleri jemlendi. Ony gurnaýjy Moskwa şäherindäki “Zehinleriň mozaikasy” atly çagalaryň döredijilik ösüş merkezidir.
Şu döredijilik bäsleşiginiň ýeňijileriniň arasynda Türkmenistandan ýaşajyk pianinoçy Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň 3-nji synp okuwçysy Akmelek Nuryýewa hem bar. Ol "7-8 ýaş" toparynda "Solo fortepiano" kategoriýasyna gatnaşdy.
Akmelek meşhur nemes nusgawy kompozitory I. S. Bahyň we XIX asyryň ahyrynda we XX asyryň başynda ýaşan polýak kompozitory G. Pahulskiniň eserlerini ýerine ýetirdi. Akmelek Nuryýewa iki diplom berildi: 2-nji derejeli laureat diplomy (G. Pahulskiniň "Arzuwlar" pýesasyny ýerine ýetireni üçin) we 3-nji derejeli laureat diplomy (I. S. Bahyň "Kiçijik prelýudiýa" d-moll bilen çykyşy üçin).
Mundan başga-da, görnükli rus pianinoçy mugallymlaryny öz içine alýan ýokary derejeli professional emin agzalary ajaýyp mugallym, ussat halypa – Ida Grigoriýewna Osipowanyň işine ýokary baha berdi we oňa “Pedagogiki ussatlygy, çagalaryň we ýaşlaryň döredijiligi ösdürmekde we taýýarlamakda, şol sanda Nuryýewa Akmelegi “Gyş ertekisi” atly X halkara bäsleşigine taýýarlamakda goşan goşandy üçin” minnetdarlyk hatyny gowşurdy.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
