Ozokeritiň Türkmenistandaky ýataklary GDA ýurtlarynyň ähli gorlarynyň 40 göteriminden gowragyny tutýar
Ozokeritiň dünýä ýüzünde azsanly senagat ähmiýetli ýataklary bellidir. Bu magdanyň Türkmenistandaky senagat taýdan ähmiýetli ýataklary Çeleken ýarymadasynda jemlenendir. Ozokeritiň Türkmenistandaky esasy çeşmeleri ýurdumyzyň günorta-günbatar böleginde ýerleşýär. Ol ýerde birnäçe, ýagny Dagajyk, Gorab, Aýmen-Meşed, Miut, Sürenje, Aligul ýaly ýataklary bar. Bar bolan maglumatlara görä, ol ýataklar GDA ýurtlarynyň ähli gorlarynyň 40 göteriminden gowragyny tutýar. Dag jynslarynyň ozokeritli damarlary Nebitdagda, Boýadagda we Goturdepede bar.
Gatlaklarda ýatyşynyň häsiýeti boýunça gatlak görnüşli we damar görnüşli ozokerit ýataklaryna bölünýär. Ýataklaryň birinji görnüşinde çägedaşly gatlaklar çäge däneleriniň daşyny örtýän (gurşaýan) we az-kem däneleriň arasyndaky boşluklary doldurýan ozokerit bilen doýgun halda bolýar. Senagat ähmiýetli gatlaklardaky ozokeritiň mukdary 2-4 göterime, kämahal 16 göterime çenli ýetýär. Ýatagyň emele gelmeginiň barşynda gatlaklaryň ozokerit bilen doýgunlygyna kollektor häsiýetli gatlaklaryň litologiýasy we suw bilen doýgunlygy meýdanyň tektonikasy, gatlaklardaky suwlaryň kadasy täsir edýär.
Atmosfera agentleriniň täsiri astynda ozokerit magdany özünden ýeňil fraksiýalary çykarýar, suw bilen gaýnadyp almaga boýun bolmaýan has gury hala gelýär, harsan diýip atlandyrylýan şeýle magdanlar giň meýdany tutýar we ozokeritiň uly gorlaryny özünde jemleýär.
Gunça ANNAÝEWA,
Türkmen döwlet binagärlik-gurluşyk institutynyň mugallymy.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
