«Türkmengeologiýa» döwlet korporasiýasynyň Geologik maglumatlar merkeziniň baş geology Bazar ÇOPANOW:
— «Halkara parahatçylyk we ynanyşmak ýyly» diýen şygar astynda geçýän 2025-nji ýyl hakydamda hemişelik orun tutar. Ýurdumyzyň baş baýramynyň — Garaşsyzlyk gününiň öňüsyrasynda geçirilen Halk Maslahatynyň mejlisi mende ýakymly täsir galdyrdy. Bu taryhy forumda döwlet ähmiýetli möhüm meseleler ara alnyp maslahatlaşyldy we möhüm kararlar kabul edildi.
Maňa mukaddes Garaşsyzlygymyzyň baýramçylygynyň toýlanýan günlerinde Türkmenistanyň nebitgaz toplumynyň merkezi binasynda geçirilen dabaraly çärede döwlet sylagynyň — «Gaýrat» medalynyň gowşurylanlygyna buýsanýaryn. Döwlet sylagy meni geljekde hem ýadawsyz zähmet çekmäge ruhlandyrýar.
Gahryman Arkadagymyzyň we hormatly Prezidentimiziň Halk Maslahatynyň mejlisindäki çuň mazmunly taryhy çykyşlary eziz Watanymyza bolan buýsanjymyzy artdyrdy we täze zähmet üstünliklerine badalga berýär. Umumymilli forumda geljek döwür üçin öňümizde uly wezipeler goýuldy, biziň olary tutanýerli zähmetimiz bilen amala aşyrjakdygymyza berk ynamymyz bar.
Döwlet sylagyny ykdysadyýetiň geljegi uly bolan we sazlaşykly ösýän pudagyna mynasyp goşantlaryny goşýan ähli nebitgazçylaryň, geologlaryň tutanýerli zähmetine berlen ýokary baha diýip hasaplaýaryn. Mümkinçilikden peýdalanyp, Gahryman Arkadagymyza hem-de hormatly Prezidentimize zähmetime beren ýokary bahasy üçin çäksiz hoşallygymy beýan edýärin. Döwlet sylagy maňa eziz Watanymyzyň şan-şöhraty üçin täze işlere güýç-gaýrat berýär.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
