15-nji saglyk öýüniň baş lukmany, Türkmenistanyň Mejlisiniň deputaty Şemşat SAPARLYÝEWA bilen söhbetdeşlik

20:27 28.04.2021

https://ussatnews.com/storage/posts/1150/original-160897ef2da8cc.jpeg

Ýurdumyzda ynsan saglygy ähli zatdan ileri tutulýar. Saglygy goraýyş ulgamynda bu babatda uly işler durmuşa geçirilýär.

Aşgabat şäheriniň gözel künjekleriniň biri bolan nebitgaz pudagynyň işgärleriniň ýaşaýyş toplumynda ýerleşýän 15-nji saglyk öýüniň baş lukmany, Türkmenistanyň Mejlisiniň deputaty Şemşat SAPARLYÝEWA bilen söhbetdeş bolanymyzda, bu hakykata ýene bir ýola göz ýetirdik.

– Şemşat, halkymyzda «Ähli zadyň seresi saglyk» diýilýär. Bu hakda lukman bilen söhbetdeş bolmak has-da gyzykly.

– Saýlan hünäriň eýesi bolup, işlemäge oňyn şertleriň döredilmegi uly bagt. 40 müň ilata ýokary hilli hyzmat etmäge niýetlenen saglyk öýüne ýolbaşçy bolup, 2017-nji ýylyň 17-nji awgustynda işe girişdim. Köpçülikleýin tigirli ýöriş geçirilen şol gün mähriban Prezidentimiziň öz elinden gaýragoýulmasyz «Tiz kömek» ulagynyň açaryny almak bagty miýesser etdi. Bu saglyk öýi, esasan, nebitgaz pudagynyň işgärlerine niýetlenen. Agzybir işgärlerimiz bilen keseliň öňüni alyş çärelerini geçirmek, ilatyň saglygyny goramak, ýokanç däl keselleriň öňüni almak boýunça işleri alyp barýarys.

– Saglyk öýünde döredilen mümkinçilikler barada-da aýdaýsaňyz!

– Hawa, dünýäniň ýokary hilli enjamlary bilen ähli amatlyklar üpjün edilen saglyk öýümizde dürli bölümler, laboratoriýalar hem-de gündizki hassahana bar. Ýurdumyzyň geljegi bolan ýaş nesiller hakda alada ilkinji orunda durýar. Çagalaryň arasynda keseliň öňüni alyş sanjymlary geçirilýär. Şeýle-de, içgeçme keseliniň öňüni almak üçin ýörite düşündiriş işi geçirilýän otag bar. Bu ýere gelýän ilat bilen ulanylýan dermanlaryň düzgüniniň düşündiriş işleri-de geçirilýär. «Fitobar» otagymyzda bolsa, hormatly Prezidentimiziň «Türkmenistanyň dermanlyk ösümlikleri» atly köp jiltlik ylmy-ensiklopedik eserinden peýdalanyp, tebigy ösümliklerden çaý demläp, taýýarlanyş düzgünlerini, bejerijilik aýratynlyklarynyň ähmiýetini wagyz edýäris.

– Häzir howanyň gyzmagy bilen işiňizde gün urmasyndan goranmagyň düşündiriş çäreleri bilen bagly nähili işler alnyp barylýar?

– Ýurdumyzda döwrebap dokma toplumlarynyň birnäçesi bar. Olarda arassa pagtadan jana ýakymly egin-eşikler öndürilýär. Şol egin-eşikler tomsuň yssy howasynda saglyk üçin jana diýseň ýakymly. Şeýle-de, yssy howada ýanyňda içimlik arassa suwy götermek, ýygy-ýygydan suw içmek peýdaly. Saýawan götermegi, kadaly ýagdaýda dogry iýmitlenmegi, esasan, gök önümleri köp iýmegi, olary iýeniňde pugta ýuwup-arassalamagy ýatdan çykarmaly däldigi hakda düşündiriş işlerini-de ünsden düşürmeýäris.

– Şemşat, lukmanlar saglygyň goragçylary. Baş lukman hökmünde işgärleriňiziň saglygyny goramak hakda nähili şertler döredilýär?

– Hormatly Prezidentimiziň taýsyz tagallasy netijesinde halkymyzyň ählitaraplaýyn döwrebap ýaşaýyş derejesi ýokary hilli üpjün edilen. Işgärlerimize dynç alyş döwründe ýurdumyzyň döwrebap şypahanalarynda, dynç alyş we sagaldyş merkezlerinde saglygyny berkitmäge şertler bar. Kesele garşy ululara-da goranmak zerur. Tejribe-önümçilik merkezinde inçekesel, sarygetirme ýaly dürli kesellere garşy sanjymlar geçirilýär. Işgärlerimiziň ählisi wagtynda saglyk barlagy gözegçiliginden geçip durýarlar.

– Şemşat, ýurdumyzyň Mejlisiniň deputaty, halkymyzyň saýlan wekili hökmünde-de aýtjak gürrüňleriňizi diňlemek täsirli.

– Ilki bilen Gender deňligi barada kanunyň kabul edilmegi hakda aýdasym gelýär. Zenanlar bilen erkekleriň deňhukuklylygy ýurdumyzda zenanlara belent mertebe bagyşlanýanlygyny görkezýär. Zähmet haklarynyň deňligi, dürli wezipelerde erkek kişiler bilen deň derejede işlemäge kanun taýdan hukuklylygymyz biz – zenanlara goýulýan hormatyň subutnamasydyr. Nesil terbiýesiniň sagdyn bolmagy üçin ählitaraplaýyn mümkinçilikler döredilýär.

Enäniň we çaganyň saglygynyň goraglylygy hakda döwletimiziň kanunçylyk ulgamy bilen sazlaşykly ýagdaýda halk bähbitli işler amala aşyrylýar. Halkymyzyň ýaşaýyş derejesini has-da ýokarlandyrmak maksady bilen, milli kanunçylygymyzy kämilleşdirmek ugrunda alnyp barylýan işler barada gyzgyny bilen ilata düşündirmek biz – deputatlaryň borjy. Şunda, ilkinji nobatda, saglyk ulgamy bilen bagly kanundyr kararlary bu ugurdan hünärmenleriň arasynda giňişleýin düşündirýäris.

– Söhbetdeşligimiziň ahyrynda lukman hem ene hökmünde arzuwlaryňyzy diňläýsek!

– Eneleriň baş arzuwy ýurduň asudalygy. Asudalygyň bar ýerinde saglyk, gülläp ösüş bar. Ýurdumyzyň geljegi bolan ýaş nesillerimiziň sagdyn ruhly kämil terbiýesi hakda uly aladalar edip, giň şertler döredýän hormatly Prezidentimiziň ömri uzak, belent başy aman bolsun!

Söhbetdeş bolan Akgül SAPAROWA,

                                          USSAT NEWS.

Başga makalalar
165f9d3ed4c5c0.jpeg
Eserleri — ruhy hazyna

Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.


165f44c5a3a8f1.jpeg
Gaz akdyryjylaryň rowaçly gadamlary

«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.


165dc6a2670a92.jpeg
Türkmenistanda habar beriş serişdeleriniň sanlylaşdyrylmagy täze mümkinçilikleri açýar

Ählumumy sanlylaşdyrma we internet asyry täze habar beriş serişdeleriniň döremegi üçin mümkinçilikleri açmak bilen çäklenmän, eýsem, sanly ulgamdan peýdalanýan okyjylaryň täze neslini kemala getirdi. Olar üçin maglumatlaryň esasy çeşmesi bolup metbugat sahypasy däl-de, kompýuteriň, planşetiň ýa-da smartfonyň multimedia ekrany hyzmat edýär.

165c31806f1f62.jpeg
Magtymguly Pyragynyň kanoniki portretiniň döreýşi

Döwlet şekillendiriş sungaty muzeýiniň zallarynyň birini Türkmenistanyň halk suratkeşi Aýhan Hajyýewiň döreden beýik şahyrymyz Magtymguly Pyragynyň kanoniki portreti bezeýär. Bu portret Magtymgulynyň keşbiniň hut şeýle bolandygyna ynamymyzy berkitdi. Ýogsa, eseriň döredilen wagty suratkeş bary-ýogy 23 ýaşynda eken, ol şonda-da fotosuraty bolmadyk şahyryň keşbini şekillendirmäge ýaýdanmandyr. A.Hajyýewiň ýerine ýetirmeginde Magtymgulynyň asyl keşbiniň emele gelşine düşünmek üçin bu eseriň döreýşiniň taryhyny ýatlamagy makul bildik.


165953ddc0ebdf.jpeg
Sergeý Lazarew joşgunly türkmen tomaşaçysynyň öňünde dyza çökdi (Arhiwdan 2014 ýyl)

Rus estradasynyň ýyldyzy Sergeý Lazarewiň Sportuň gyşky görnüşleri boýunça sport toplumynda guralan çykyşy diýseň uly şowhun döredip, tomaşaçylaryň müňlerçesinde gyzyklanma döretdi.