SPORT OÝUNLARYNYŇ GELIP ÇYKYŞ TARYHY BARADA
Bilşimiz ýaly sport oýunlarynyň görnüşleri sanardan kän. Olaryň her biriniň gelip çykyş taryhy bar. Geliň, olaryň käbirileri bilen tanyş bolalyň.
Bouling. Boulingiň öz taryhyny has gadymy döwürlerden alyp gaýdýar. Onuň taryhyna degişli maglumatlar biziň eýýamymyzdan öňki 5200-nji ýyllara degişli bolupdyr we ol tapyndylar Gadymy Müsür gazyndylarynda ýüze çykarylypdyr. 1875-nji ýylda ilkinji bouling Milli Assosasiýasy esaslandyrylýar.
Bilýard. Bilýard oýnunyň haçan we nirede döränligi barada anyk maglumatlar ýok. Ýöne käbir çaklamalara görä Hindi-Hytaý bilýardyň watany hasaplanýar. Genuez täjirleri XV asyrda bu oýny Ýewropa getiripdirler we Lionda fransuz Etýen Liazon ilkinji gezek bu oýnuň düzgünlerini kesgitläpdir. Russiýa bolsa bu oýny Pýotr I getirýär diýen maglumatlar bar.
Gimnastika. “Gimnastika” grek sözünden gelip çykyp, ol b.e. öň VIII asyrda döräpdir. Gadymy ellinler beden maşklaryny özleriniň ýörite “gimnasiýa’ diýlip atlandyrylýan jaýlarynda geçipdirler. Olar ýaryşa taýýarlyk maşklaryny “gimnastika” diýip atlandyrypdyrlar. Gimnastikanyň ösüş ugry XIX asyrda üç ugra bölünipdir. Olar gigiýeniki gimnastika, atletiki gimnastika, amaly gimnastika.
Küşt. Taryhy maglumatlara salgylansak küşt oýny mundan 2000 ýyl öň Hindistanda döräpdir. Küşti ilki şalar oýnapdyr we soňra ony kem-kemden beýlekilerem oýnap bilipdir. Onuň gelip çykyş taryhy barada giňişleýin maglumatlar Al-Birunynyň “Hindistan” diýlip atlandyrylýan kitabynda birnäçe rowaýatlaryň üsti bilen getirilýär.
Futzal. Ilkinji gezek futzala meňzeş oýun 1920-nji ýylda Braziliýaly futbolçylar tarapyndan oýnalyp başlanypdyr. Futzal 1970-nji ýyldan başlap sport görnüşi hökmünde giňden ýaýrap başlaýar. Italiýanyň we Liwiýanyň milli ýygyndy toparlarynyň arasynda 1974-nji ýylyň 19-njy iýununda ilkinji gezek halkara oýun geçirilýär.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň talyby.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
Türkmenistanyň sanly mediasy — milli KHBS-niň ösüşinde möhüm faktor
Häzirki zaman dünýäsinde sanly köpçülikleýin habar beriş serişdeleri jemgyýetçilik ösüşiniň iň möhüm bölekleriniň birine öwrülýär. Türkmenistanda bu ugra döwlet derejesinde aýratyn ähmiýeti berilýär, sebäbi sanly media milli bitewüligi pugtalandyrmakda, parahatçylyk, ylalaşyk we ynsanperwerlik ideýalaryny wagyz etmekde, şeýle hem ýurduň oňyn halkara abraýyny kemala getirmekde möhüm orny eýeleýär.
Garaşsyz, baky bitarap Türkmenistan — bagtyýarlygyň we rowaçlygyň ýurdy
Hoşniýetlilik hemişe adamyň özünden, onuň oý-pikirlerinden, edim-gylymlaryndan we röwşen geljege bolan ynamyndan gözbaş alýar. Adamlaryň döredijilige ymtylýan ýerinde, parahatçylyga, zähmete we özara hormata gadyr goýýan ýerinde belent maksatlar rowaçlanýar.
Derweze krateri babatda türkmen alymlarynyň toplan tejribesi
Gündogar we Merkezi Türkmenistanyň gaz ýataklaryny özleşdirmek babatda taslama we ylmy işleri amala aşyrmak «Türkmengaz» döwlet konserniniň Ylmy-barlag tebigy gaz institutynyň işiniň esasy ugurlarynyň biri bolup durýar.
Türkmenistanyň «ýaşyl» energiýa diplomatiýasy
Adamzat uzak taryhynyň dowamynda tebigata golaý durup, onuň baýlyklaryna, arassa ekologik gurşawyna örän aýawly çemeleşmäge çalyşýar.
