Aşgabatda ylmy-amaly maslahat geçirildi
«Nebitgaz pudagynda ylmy-barlag işleriniň orny» at bilen «Türkmengaz» döwlet konserniniň Ylmy-barlag tebigy gaz institutynda (YBTGI) ylmy-amaly maslahat geçirildi. Hemişelik Bitaraplygymyzyň 30 ýyllygy, Nebitgaz senagaty we geologiýa işgärleriniň güni mynasybetli geçirilen maslahata YBTGI-niň alymlary, ylmy işgärleri, ýaş hünärmenler gatnaşdy.
Maslahatyň başynda, ilki bilen, bu ylmy edaranyň geologiýa işleri boýunça başlygynyň orunbasary Rahmetnur Aýmämmedow, kärdeşler arkalaşygynyň ilkinji guramasynyň başlygy Myrat Baýramgylyjow goşa baýramçylyk mynasybetli gutlag sözlerini aýdyp, hormatly Prezidentimiziň tagallasy netijesinde toplumyň ylmy işgärleri üçin döredilen amatly şertler, nebitgaz senagatynyň önümçiligini, geologiýa pudagynyň işini ösdürmekde ylmy-barlaglaryň ähmiýeti, häzirki wagtda degişli ugurlarda gazanylýan oňyn netijeler barada çykyş etdiler. Soňra pudagyň işgärleriniň çykyşlaryna giň orun berildi. Maslahatyň barşynda «Türkmengaz» döwlet konserninde metan zyňyndylaryny azaltmak boýunça geçirilýän çäreler, suwly işleýän ulanyş guýularynda gazy çykarmagyň tehnologiýasy, Gazlydepe gaz känini işläp geçmekligiň aýratynlygy, wodorodlaşma prosesiniň poslama täsiri, Garaşsyz hemişelik Bitarap Türkmenistanyň energetika diplomatiýasy, Demirgazyk Balguýy we Kükürtli gaz känlerindäki turşy gazlary amin bilen arassalaýan desgalaryň häzirki ýagdaýy, suwuklandyrylan gazy öndürmegiň innowasion tehnologiýalary, Türkmenistanda kauçik önümçiligini gurnamagyň maddy binýady barada halypa alymlaryň we ýaş hünärmenleriň çykyşlary diňlenildi.
Dabaraly pursatlara beslenen çäräniň dowamynda göreldeli işgärlere baýramçylyk sowgatlarynyň gowşurylmagy, şahyr Baýramsoltan Gurbanowanyň nebitgazçylary, geologlary, olaryň milli ykdysadyýetimizi pugtalandyrýan asylly işlerini taryplap goşgulary okamagy ylmy-amaly maslahatyň has-da täsirli geçmegini şertlendirdi.
Ozon gatlagyny goramagyň halkara güni mynasybetli makala ýazmak boýunça bäsleşik yglan edilýär!
«Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde ýurdumyzyň orta mekdeplerinde bilim alýan 10-12-nji synp okuwçylarynyň hem-de talyp ýaşlaryň arasynda makala ýazmak bäsleşigini yglan edýär.
Balkanabat nebitçilik orta hünär okuw mekdebi sanly tehnologiýalary ornaşdyrýar
«Türkmennebit» döwlet konserniniň Balkanabat nebitçilik orta hünär okuw mekdebi nebitgaz pudagy üçin ýokary taýýarlykly hünärmenleri taýýarlamak maksady bilen sanly infrastrukturasyny ösdürýär. Ýurdumyzda sanly bilim ulgamyny ösdürmegiň Konsepsiýasynyň çäklerinde okuw işine balkanabatnohom.edu.tm resmi saýty arkaly Moodle platformasy, «eTalyp» programmasy, elektron kitaphana, şeýle hem elektron resminama dolanyşygy we hasaba alyş ulgamlary girizildi.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
