Gazçylar üçin täze ulaglar
Ýurdumyzyň gündogar sebitinde milli ykdysadyýetimizi ösüşiň täze belentliklerine göterýän möhüm pudaklaryň biri bolan gaz senagatynda ýerine ýetirilýän işler giň gerimde dowam edýär. «Lebapgazçykaryş» müdirliginiň Ulaglar kärhanasynyň ulaglar parkynyň üstüniň täze tehnikalar bilen ýetirilmegi pudagyň işgärleriniň işini has-da ýeňilleşdirdi. Kärhana getirilen 11 sany täze «Dong Feng EQ 6820 ZT» kysymly awtobuslaryň işe girizilmegi bilen, gurluşyk we önümçilik meýdançalaryna bökdençsiz gatnaw has berkidildi. Şeýlelikde, şu günki gün kärhananyň garamagyndaky ýolagçy awtobuslarynyň umumy sany 27-ä deň boldy.
Hytaýda öndürilen täze ulaglaryň her biri 22 ýolagça niýetlenilip, olar sähralyklarda we çylşyrymly geçelgeleri bolan ýerlerde ýokary netijelilik görkezýär. Bu bolsa Garagumuň alaňlarynyň arassynda ýerleşýän iri gaz ýataklaryna işçi gatnawy meselelerini amatly we tiz çözmäge mümkinçilik berýär.
Täze awtobuslaryň berilmegi bilen gatnaw ugurlary hem kämilleşdirildi. Häzirki wagtda täze ulaglar bäş ugur boýunça hereket edýär. Olaryň biri Demirgazyk Balguýy liniýa önümçilik böleginiň Kerpiçli gaz känine, ikisi Kükürtli liniýa önümçilik böleginiň Kükürtli gaz känine gatnaýar. Üç awtobus Bagaja we Malaý känlerine berkidilipdir. Galan awtobuslar Naýyp, Gazlydepe, Böwrideşik, Balguýy we Kerpiçli ýaly möhüm önümçilik merkezlerinde zähmet çekýänleriň hyzmatynda.
Täze awtobuslar diňe bir işgärleriň wagtyny tygşytlamak bilen çäklenmän, olaryň işleýän ýerlerine amatly we howpsuz şertlerde baryp-gelmegine mümkinçilik berýär. Şeýlelikde, önümçilikde tertip-düzgün artýar, işgärleriň işjeňligi hem ruhy güýji ýokarlanýar.
Ýurdumyzda halkyň, esasanam, önümçilikde zähmet çekýänleriň ýaşaýyş-durmuş şertlerini gowulandyrmak boýunça giň gerimli işler amala aşyrylýar. Ýakynda alnan döwrebap awtobuslar hem şol aladanyň nobatdaky miwesidir. «Gara altyny» we «mawy ýangyjy» ýer astyndan yhlasly zähmeti bilen çykaryp, Watanymyzyň ykdysady kuwwatyny artdyrýan gazçylaryň mümkinçilikleriniň giňeldilmegi olaryň zähmetine goýulýan uly hormatdyr.
Zähmeti goramaklyga uly ähmiýet berilýär
«Türkmengaz» DK-nyň Ylmy-barlag tebigy gaz institutyndaky (YBTGI) «Türkmengeologiýa» DK-nyň Merkezi önümçilik barlaghanasynda (MÖB) Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan «Zähmeti goramak sagdyn we howpsuz iş şertleriniň girewidir» atly çäre geçirildi.
SUW ARASSALAÝJYLARYŇ GOŞANDY
Ýurdumyzda uglewodorod çig malynyň çykarylyşynyň artdyrylmagyna «Türkmengaz» döwlet konserniniň iri we öňdebaryjy önümçilik düzümi bolan «Marygazçykaryş» müdirliginiň gazçylary mynasyp goşantlaryny goşýarlar.
SAGDYNLYGYŇ WE RUHUBELENTLIGIŇ NUSGASY
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan – bedew batly at-myradyň mekany» ýylynda ýurdumyzda bedenterbiýäni we sporty ösdürmek, ýaş nesilleriň arasynda sagdyn durmuş ýörelgesini wagyz etmek döwlet syýasatynyň ileri tutulýan ugurlarynyň birine öwrüldi.
Amyderýa döwlet tebigy goraghanasynda eko-syýahat guraldy
Amyderýa döwlet tebigy goraghanasynda ýaşlaryň gatnaşmagynda iki günlük eko-syýahat çäresi geçirildi. Bu çäre “Ýaş tebigatçy” jemgyýetçilik guramasy tarapyndan, BMG-niň Ösüş Maksatnamasynyň we Global ekologiýa gaznasynyň «Köp sanly bähbitleriň alynmagy üçin Aral deňziniň giňişliginde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak» taslamasynyň çäklerinde guraldy.
Bütindünýä saglyk güni mynasybetli ylmy-amaly maslahat geçirildi
Her ýylyň 7-nji aprelinde ýurdumyzda giňden bellenilýän Bütindünýä saglyk güni mynasybetli, Myrat Garryýew adyndaky Türkmenistanyň Döwlet lukmançylyk uniwersitetinde «Ekologiýa abadançylygy — eşretli ertiriň kepili» atly ylmy-amaly maslahat geçirildi.
