Türkmenabatda kompozitor Baýramdurdy Hudaýnazarowyň döredijilik agşamy geçiriler
Lebap welaýat ýörite sungat mekdebinde 11-nji martda Türkmenistanyň halk artisti, M.Kuliýewa adyndaky Türkmen milli konserwatoriýasynyň dosenti, alym, pedagog, görnükli kompozitor Baýramdurdy Hudaýnazarowyň (1946-2025) hatyrasyna bagyşlanan döredijilik agşamy geçirler.
Ol onuň 80 ýyllyk ýubileýine bagyşlanýar. Konsertiň birinji bölüminde Türkmenistanyň at gazanan sungat işgäri, kompozitor Batyr Soltanow hem-de ýaş kompozitor Begmyrat Hudaýberdiýewiň (B.Hudaýnazarowyň kompozisiýa synpy boýunça uçurymy) çykyşlary diňleniler. Ussadyň ömri we döredijiligi barada gyzykly hem täsirli tanyşdyrylyşy “Sazyň taryhy we nazaryýeti” bölüminiň mugallymy, sazşynas Aziza Seýitkulyýewa tarapyndan hödürlener.
Soňra B.Hudaýnazarowyň kamera-instrumental hem-de wokal eserleri ýerine ýetiriler. Olaryň hatarynda giňden meşhur we halk tarapyndan söýülýän “Derýa”, “Älemgoşar”, “Gel, obamyň lälesi”, Poema-mukam, Konsertino-gazal, Tokkata (Durdy bagşynyň hatyrasyna) hem-de beýleki eserler bar.
Konsertde sungat mekdebiniň öňdebaryjy mugallymlarynyň terbiýesinde okaýan zehinli talyplar çykyş ederler: Ilşat Ildarow, Jemal Guwandykowa (wokal, mugallymy Mamagül Hutdyýewa), Annageldi Mämmedow (wokal, mugallymy Täzegül Joraýewa), Narkuly Rozyýew (rubab, mugallymy Şukurbaý Jorakulyýew), Bahar Jumaýewa (fortepiano, mugallymy Gülşat Akyýewa), Nurulla Hemraýew (rubab, mugallymy Bahadur Haýdarow). Konsertmeýsterler – Larisa Koşelewa, Dilaram Awanesowa, Lýudmila Tokarýewa, Ajap Ilowa.
Olaryň aýdym-saz çykyşlarynyň öňüsyrasynda “Sazyň taryhy we nazaryýeti” bölüminiň talyplary Gözel Baýramowa we Arzuw Setdarkulyýewa tarapyndan taýarlanan ylmy-nazaryýeti nutuklary hödürlener. Bu çykyşlarda kompozitoryň eserleriniň dörediliş taryhy, sahna premýeralary hem-de saz stiliniň aýratynlyklary barada ginişleýin gürrüň berler.
Ýuluýa Jumaýewa,
sazşynas, Lebap welaýat ýörite sungat mekdebiniň mugallymy.
Berkarar döwletiň talyplarynyň köňül kelamy
Ýurdumyzda ýylyň-ýylyna täze ylym-bilim ojaklary gurlup ulanylmaga berilýär. «Garaşsyz, baky Bitarap Türkmenistan — bedew batly at-myradyň mekany» ýylynda hem täze ýokary okuw mekdepleri, umumybilim berýän orta okuw mekdepleri ulanylmaga berildi. Munuň özi bu ugurda alnyp barylýan işleriň depgininiň barha ilerleýändigini görkezýär. Şu ýyl hem arzuwlary myrat tapyp, ýokary okuwa giren ýaşlar örän köpdür. Olaryň arasynda Ýagşygeldi Kakaýew adyndaky Halkara nebit we gaz uniwersitetine täze okuw ýylynda talyplyga kabul edilen ýaşlar hem az däl.
«Nebit-gaz» gazetiniň 15 ýyllygy dabaraly bellenildi
«Nebitgaz» gazetiniň redaksiýasynda neşiriň ilkinji sanynyň çap edilip başlanmagynyň 15 ýyllygyna bagyşlanan dabaraly çäre geçirildi. Oňa “Türkmengaz” we “Türkmennebit” döwlet konsernleriniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň wekilleri, şeýle hem redaksiýanyň işgärleri gatnaşdylar.
«Ýaş tebigatçy» jemgyýetçilik guramasy intellektual bäsleşige çagyrýar!
16-njy sentýabrda sagat 14:00-da «Arkaç» SÖMerkeziniň «Iş nokady» koworking merkezinde «Ýaş tebigatçy» jemgyýetçilik guramasy Türkmenistanyň Daşky gurşawy goramak ministrliginiň ýanyndaky Ozon merkezi bilen bilelikde Halkaara ozon gatlagyny goramak gününe bagyşlanan intellektual bäsleşik geçirýär.
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy
Türkmenistanyň Prezidentiniň mekdep okuwçylaryna, talyp ýaşlaryna, mugallymlaryna we bilim işgärlerine gutlagy.
Ýerasty suw ýataklarynyň gor baýlygy artdyrylýar
«Türkmengeologiýa» döwlet korporasiýasynyň ýurdumyzyň welaýatlaryndaky gidrogeologiýa ekspedisiýalarynyň işgärleri halkymyzy gündelik arassa agyz suwy bilen üpjün etmek babatda möhüm işleri durmuşa geçirýärler. «Marygidrogeologiýa» ekspedisiýasynyň işgärleriniň alyp barýan işleri hem şunuň bir mysalydyr.
