Dragon Oil – OGT 2026-nyň göwher hyzmatdaşy
«Dragon Oil» kompaniýasy 21-23-nji oktýabrda Aşgabatda geçiriljek «Türkmenistanyň nebiti we gazy – OGT 2026» 31-nji halkara maslahatynyň göwher hyzmatdaşy bolar diýip, forumyň guramaçylary habar berýärler.
Kompaniýa gatnaşyjylar bilen Türkmenistanda deňizde nebitgaz çykarmak we önümçilik infrastrukturasyny ösdürmek boýunça köpýyllyk tejribesini paýlaşar, bu bolsa Hazaryň baýlyklaryny özleşdirmegiň geljegini maslahatlaşmak üçin möhümdir.
«Dragon Oil» kompaniýasynyň Türkmenistandaky işi deňiz nebitgaz baýlyklaryny özleşdirmegiň uzak möhletlidigini görkezýär. Kompaniýa 2000-nji ýylda «Çeleken» şertnamalaýyn zolagynda işe başlap, Jeýtun we Jygalybeg känlerinde önümçilik binýadyny döretdi, zerur infrastrukturany gurdy we hereket edýän desgalaryň golaýynda geologiýa-gözleg işlerini dowam etdirdi.
«Dragon Oil» kompaniýasynyň Türkmenistandaky işi üçin möhüm waka «Çeleken» şertnamalaýyn zolagy boýunça önümi paýlaşmak baradaky ylalaşygyň on ýyla – 2035-nji ýyla çenli uzaldylmagy boldy. Bu deňiz taslamasynyň operatory üçin geljek ýyllarda nebitgaz çykarmagy, geologiýa-gözleg işlerini, infrastrukturanyň ösüşini we tehnologiýalaryň ornaşdyrylyşyny meýilleşdirmäge binýat döredýär.
Türkmenistanyň Hazar deňziniň sektorynda deňiz känlerini özleşdirmegiň geljegi OGT 2026 forumynyň esasy mowzuklarynyň biri bolar. Maslahatyň maksatnamasy kenarýakadaky maýa goýum mümkinçiliklerini, geologiýa-gözleg işlerini, seýsmiki barlaglary geçirmegi we düşündirmegi, deňiz infrastrukturasyny, buraw tehnologiýalaryny, deňiz logistikasyny we halkara hyzmatdaşlygy öz içine alýar.
Bu meseleleriň forumyň maksatnamasyna girizilmegi Hazaryň Türkmenistanyň nebitgaz pudagynyň mundan beýläk ösmegi üçin ähmiýetini görkezýär.
«Türkmenistanyň nebiti we gazy – OGT 2026» halkara maslahatyny we sergisini «Türkmengaz» we «Türkmennebit» döwlet konserni, «Türkmengeologiýa» döwlet korporasiýasy «Türkmen Energiýa Forumy» Hojalyk jemgyýeti bilen hyzmatdaşlykda guraýarlar.
Türkmenistanyň Prezidentiniň Türki Döwletleriň Guramasynyň XIII sammitindäki çykyşy
Türkmenistanyň Prezidentiniň Türki Döwletleriň Guramasynyň XIII sammitindäki çykyşy.
Türkmen milli konserwatoriýada ylmy-amaly maslahat geçirildi
Maýa Kulyýewa adyndaky Türkmen milli konserwatoriýasynda “Ýörite fortepiano” kafedrasynyň hepdeliginiň çäginde gurnalan “Fortepiano ýerine ýetirijilik ussatlygynyň tehniki kanunlary we täzeçe usullary” atly ylmy-amaly maslahat sazyň syrlaryny giňden açyp görkezdi.
Türkmenistanyň wekiliýeti Gazy eksport ediji ýurtlaryň forumynyň sammitine gatnaşdy
2026-njy ýylyň 27-nji oktýabrynda Moskwa şäherindäki Halkara söwda merkezinde Gazy eksport ediji ýurtlaryň forumyna gatnaşyjy ýurtlaryň döwlet we hökümet baştutanlarynyň sekizinji sammiti geçirildi.
Türkmenistan we Hytaý geljegiň strategik hyzmatdaşlygyny gurýarlar
Türkmenistanyň we Hytaýyň taryhy gatnaşyklary Beýik Ýüpek ýolunyň döwründen gözbaş alyp gaýdýar. Bu döwürde iki ýurduň çäkleri Gündogar bilen Günbataryň arasynda söwdanyň, medeniýetiň we ynsanperwer alyş-çalşygyň iň möhüm çatrygy bolup hyzmat edipdir.
Aşgabatda geçirilen «OGT — 2026» dünýä energetikasyna we hyzmatdaşlygyna täze itergi berdi
2026-njy ýylyň 21 — 23-nji oktýabrynda Türkmenistanyň Söwda-senagat edarasynda geçirilen «Türkmenistanyň nebiti we gazy» (OGT — 2026) atly 31-nji halkara maslahat we sergi dünýäniň energetika senagatynyň öňdebaryjylary, esasy halkara korporasiýalarynyň bilermenleri we wekilleri üçin netijeli iş meýdançasyna öwrüldi.
