«Ýol hereketiniň howpsuzlygy — ömrümiziň rahatlygy» atly biraýlygy yglan edildi
Geçen aýyň 27-sine hormatly Prezidentimiziň baştutanlygynda geçirilen ýurdumyzyň Ministrler Kabinetiniň mejlisinde üstümizdäki sentýabr aýyndan «Ýol hereketiniň howpsuzlygy — ömrümiziň rahatlygy» atly ýol hereketiniň howpsuzlygy boýunça biraýlygyň yglan edilýändigi habar berildi.
Garaşsyzlyk ýyllarynda halkymyzyň ýaşaýyş-durmuş şertlerini has-da gowulandyrmak maksady bilen dünýä ülňülerine gabat gelýän göni we giň şaýollar guruldy. Olar döwrebap howpsuzlyk enjamlary bilen üpjün edilýär. Ösen döwrüň talaplaryna laýyk ýaşaýan raýatlarymyz awtoulag serişdelerinden doly peýdalanýarlar. Ulaglaryň artmagy durmuş şertlerinde amatlyklary döretmek bilen birlikde, howpsuzlyk meselesini berjaý etmekligi şertlendirýär. Häzirki wagtda gije-gündiziň dowamynda ulaglaryň hereketiniň kesilýän wagty ýok diýmek bolar. Hormatly Prezidentimiziň tagallasy bilen gurulýan aýdyň we abadan ýollarymyzda sürüjilere-de, pyýadalara-da ýol hereketiniň howpsuzlyk düzgünlerini berjaý etmeklige ähli şertler bar.
Tomus paslynyň ahyrlap, altyn güýze gadam basylmagy bilen köçe-ýol hereketine gatnaşýanlar has-da artýar. Ulag we pyýada hereketiniň üzül-kesil köpelmegi oňa gatnaşyjylaryň jogapkärçiligini hem artdyrýar. Halkymyzyň abadan we rahat durmuşyny üpjün etmek maksady bilen kada öwrülen netijeli çäreleriň toplumy adamlary seresaplyga, ýol-ulag hereketiniň düzgünleriniň pugta berjaý edilmegine çagyrýar.
Ýurduň ýollary ykdysady kuwwatynyň hem görkezijisi bolup durýar. Türkmenistanyň dürli ugurlara degişli kaşaň desgalary ýol gurluşygynyň täsin binalary bilen bilelikde alanyňda has-da gözeldir we ol bitewi sazlaşygy emele getirýär. Ýollaryň, ýanýodalaryň, sowma ýollaryň gyrasyna elwan gülleriň ekilmegi, owadan hem-de ykjam sütünlerdäki çyralaryň gijäni gündiz edip, töwerege ýalkym saçmagy her bir adamda şatlyk we buýsanç duýgularyny oýarýar we ýol hereketiniň howpsuzlygyna oňaýly täsirini ýetirýär. Göni we aýlawly köprüler, tonneller sürüjiler üçin aýratyn eşretdir. Döwrebap ýerasty we ýerüsti geçelgeler pyýadalar we sürüjiler üçin amatly hem-de howpsuz şertleri üpjün edýär.
Döredilýän amatlyklaryň hözirini görmek, netijeli peýdalanmak bilen birlikde raýatlarymyz, ýagny sürüjiler we pyýadalar özleriniň kanuny borjuny hem berjaý etmelidirler. Ulaglaryň has köpelen häzirki döwründe bu örän möhüm bolup durýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
