Gümrük Gullugynyň kämil binýady
13:33 04.11.2021
Her ýylyň 4-nji noýabrynda Ata Watanymyzyň ykdysady bähbitleriniň goragynda berk durýan, ýurdumyzyň ykdysady kuwwatyny has-da ýokarlandyrmakda özleriniň saldamly goşandyny goşýan Türkmenistanyň Döwlet Gümrük Gullugynyň işgärleriniň güni bellenilip geçilýär. Berkarar döwletimiziň bagtyýarlyk döwründe Döwlet Gümrük Gullugynyň maddy-enjamlaýyn binýady barha pugtalandyrylýar, harby gullukçylaryň hünär derejeleri ýokarlandyrylýar, şonuň bilen birlikde olaryň şahsy jogapkärçiligi hem artýar. Hormatly Prezidentimiziň taýsyz tagallalary netijesinde, ýurdumyzyň Gümrük edaralarynyň işini ösdürmekde uly işler alnyp barylýar. Türkmenistanyň Döwlet Gümrük Gullugynyň maddy-enjamlaýyn binýadyny berkitmek, harby gullukçylaryň we olaryň maşgala agzalarynyň ýaşaýyş-durmuş şertlerini has-da gowulandyrmak babatynda ägirt uly işler durmuşa geçirilýär.
Türkmenistanyň Döwlet Gümrük Gullugy 1991-nji ýylyň 4-nji noýabrynda döredilip, Türkmenistanyň Gümrük ulgamynyň işini düzgünleşdirmek babatdaky döwlet syýasatynyň durmuşa geçirilmegini, gümrük meseleleri boýunça halkara borçnamalarynyň berjaý edilmegini üpjün edýän, şeýle hem gümrük işleri bilen baglanyşykly kontrabanda we beýleki jenaýatlara, dolandyryş hukuk tertibiniň bozulmalaryna garşy göreşi amala aşyrýan döwlet dolandyryş edarasy bolup durýar. Türkmenistanyň Döwlet Gümrük Gullugy 1993-nji ýylda Bütindünýä Gümrük Guramasyna(WCA) agza boldy.
Türkmenistanyň Döwlet Gümrük Gullugynyň hukuk esaslary hökmünde, Türkmenistanyň Gümrük Gullugy hakyndaky Kanunçylygy, Türkmenistanyň Konstitutsiýasy we Türkmenistanyň Gümrük Kodeksi hem-de Gümrük Gullugynyň işini düzgünleşdirýän beýleki kadalaşdyryjy hukuk namalardan ybaratdyr.
Gümrük gullugy öz işinde kanunylyk, raýatlaryň kanunyň öňünde deňligi, halakara hukugynyň umumy ykrar edilen kadalaryna laýyklykda olaryň hukuklarynyň we azatlyklarynyň berjaý edilmegi, mertebesine hormat goýulmagy ýörelgelerinden ugur alýar.
Türkmenistanyň alyp barýan içeri we daşary syýasaty Türkmenistanyň Döwlet Gümrük Gullugynyň işini halkara hukugynyň umumy ykrar edilen kadalaryna laýyklykda guramaga, Gümrük Gullugy ulgamynyň işini döwrebaplaşdyrmaga we has hem kämilleşdirmäge giň mümkinçilikleri berýär. Gümrük gözegçiligi üçin zerur enjamlar bilen üpjün edilmegi, harby gullukçylaryň hünär derejeleriniň ýokarlandyrylmagy bilen bagly durmuşa geçirilýän çäreler harby gullukçylaryň iş tejribesiniň barha artmagyny üpjün edýär.
Beggeldi GUTLYÝEW,
Türkmenistanyň Daşary işler ministrliginiň
Halakara gatnaşyklary institutynyň Halkara Hukugy fakultetiniň talyby.
Türkmenistanyň Prezidenti Serdar Berdimuhamedow: «Ylym, bilim we halkara hyzmatdaşlyk ýurduň ähli pudaklarynyň ösüşine itergi bermelidir»
Nebitgaz senagaty üçin ýokary hünär derejeli işgärleri taýýarlamak esasy wezipeleriň biri bolup, geljekde Türkmenistanyň milli ykdysadyýetiniň ösüşi şol wezipäniň çözgüdine baglydyr.
Bagtyýarlyk döwrüniň teatr sungaty
Berkarar döwletiň täze eýýamynyň Galkynyşy döwründe ýurdumyzyň medeniýet ulgamyny kämilleşdirmek Arkadagly Gahryman Serdarymyzyň durmuş ugurly syýasatlarynyň ileri tutulýan ugurlarynyň biridir.
Eserleri — ruhy hazyna
Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.
Gaz akdyryjylaryň rowaçly gadamlary
«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.
Türkmenistanda habar beriş serişdeleriniň sanlylaşdyrylmagy täze mümkinçilikleri açýar
Ählumumy sanlylaşdyrma we internet asyry täze habar beriş serişdeleriniň döremegi üçin mümkinçilikleri açmak bilen çäklenmän, eýsem, sanly ulgamdan peýdalanýan okyjylaryň täze neslini kemala getirdi. Olar üçin maglumatlaryň esasy çeşmesi bolup metbugat sahypasy däl-de, kompýuteriň, planşetiň ýa-da smartfonyň multimedia ekrany hyzmat edýär.
