Ýurdumyzyň ykdysady, medeni babatlarda okgunly ösüşleri
Halkymyz mähriban Arkadagymyzyň saýasynda bagtyýar, eşretli durmuşda ýaşaýar. Munuň düýp esasynda ýurdumyzyň ykdysady, medeni babatlarda okgunly ösüşleri durýar.
Döwletiň baýamagynda, jemgyýetiň durnukly ösmeginde ýurduň ykdysady ulgamynyň kämil dolandyryş kuwwaty, maliýe ulgamynyň işiniň döwrebap ýola goýulmagy ägirt uly orun eýeleýär. Berkarar döwletimiziň bagtyýarlyk döwründe ýurdumyzda bank amallarynyň ýeňilleşdirilmegi, bank kartlarynyň durmuşymyzyň her bir çygryna giňden ornaşmagy ykdysady ösüşleri has-da rowaçlandyrdy. Ilatyň durmuş-ykdysady taýdan goraglylygyny üpjün etmäge giň şertleri döretdi.
Bank kartlaryndan peýdalanmak raýatlara iş orunlaryndan gitmezden, oturan ýerlerinden ykjam telefon programmalarynyň we goşundylarynyň kömegi bilen dürli bank hasaplaşyklaryny geçirmäge mümkinçilik berýär. Munuň özi dowam edip duran önümçilik işini togtadyp we degişli banklara baryp nobat bellemek bilen ýitirilip bilinýän önümçilik-iş wagtyny tygşytlamaga giň şertleri döredýär. Şeýle-de jemgyýetçilik ulaglarynyň hyzmatyndan peýdalanylanlygy üçin hasaplaşyklaryň ýörite kartlaryň kömegi bilen amala aşyrylmagy raýatlara edilýän hyzmatlaryň hilini ýokarlandyrmaga we ýeňilleşdirmäge ýardam edýär.
Bank kartlary we nagt däl hasaplaşyk usullary ykdysadyýetde dolandyryşyň sanly ulgam görnüşine tapgyrlaýyn geçmek babatda alnyp barylýan işleriň bir bölegidir. Häzirki wagtda ykjam telefonlarda ýerleşdirilýän ýörite goşundynyň kömegi bilen raýatlar öz bank hasabynda we kartynda bar bolan pul serişdeleriniň möçberlerini, şeýle- de kart arkaly hasaplaşyk wagtynda kartlarynda bar bolan pul serişdelerinden geçirilen tölegleriň möçberlerini, galan pul serişdeleriniň möçberini görüp bilýärler. Dolandyryşyň bank kartlary ulgamy raýatlaryň pul goýumlaryny we hasaplaşyklarynyň howpsuzlygyny doly üpjün edýär.
Raýatlar üçin döredilýän şunuň ýaly amatlylyklar we eşretler hormatly Prezidentimiziň ýurdumyzy dünýäniň ösen döwletleriniň hataryna çykarmak, halkymyzyň hal-ýagdaýlaryny yzygiderli gowulandyrmak babatda alyp barýan beýik işleriniň netijesidir. Biz adam halda aladany döwlet syýasatynyň ileri tutulýan ugruna öwren mähriban Arkadagymyza uzak ömür, jan saglyk arzuw edýäris!
Çynar GYLYÇDURDYÝEWA,
Ýagşygeldi Kakaýew adyndaky halkara nebit we gaz uniwersitetiniň mugallymy.
TÄZE ÝYL BAÝRAMÇYLYGY BARADA MAGLUMATLAR
Täze ýyl baýramçylygy ilkinji gezek 2000 ýyldan gowrak mundan ozal meşhur Sezaryň buýrugy bilen 1-nji ýanwarda bellenildi.
Sagdyn bolaýyn diýseňiz...
Saglyk ynsan durmuşynyň beýleki gözelliklerini açýan gymmatlykdyr. Saglygyňy ýitirmek bu ömrüňi, durmuşyň manysyny ýitirmekdir.
Nebitgaz senagaty – Türkmenistanyň ösüşiniň esasy güýji
Gaz pudagynda hyzmatdaşlyk – Türkmenistanyň Prezidenti Serdar Berdimuhamedowyň hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň halkara duşuşyklarynyň gün tertibinde esasy ugurlaryň biri bolup durýar.
Aýjemal Ezizowanyň söýgülän hünäri täze ylmy üstünliklere ruhlandyrýar
«Türkmengaz» döwlet konserniniň Ylmy-barlag tebigy gaz institutynyň hünärmenleriniň alyp barýan işleri Türkmenistanyň Prezidenti Serdar Berdimuhamedowyň nebitiň we gazyň çykarylýan mukdaryny artdyrmak, şol maksat bilen täze ýataklaryň üstüni açmak boýunça ýurdumyzyň nebitgaz toplumynyň öňünde goýan wezipeleriniň üstünlikli ýerine ýetirilmegine ýardam edýär.
Türkmenistan oňyn başlangyçlaryny adamzadyň bähbidine işjeň ilerledýär
Eziz Watanymyz hormatly Prezidentimiz Serdar Berdimuhamedowyň baştutanlygynda häzirki döwrüň global meselelerini çözmekde öňdäki hatara çykmak bilen, giň gerimli başlangyçlaryny işjeň ilerledýär.
