Ýurdumyzyň eksport kuwwatlyklary
Hormatly Prezidentimiziň tagallasy bilen, ýurdumyz ägirt uly ykdysady ösüşlere eýe bolýar. Munuň düýp binýadynda ýurdumyzda senagat pudagyny diwersifikasiýa ýoly bilen ösdürmek babatda durmuşa geçirilýän işler durýar.
Geçen ýyllaryň dowamynda ykdysadyýetiň we senagatyň ähli pudaklaryna häzirki zamanyň ösen tehnologiýalary ornaşdyryldy. Döwrebap enjamlar her bir zawoddyr kärhananyň, ylmy-tehniki edaralaryň maddy-tehniki binýadynda özüne mynasyp orun tapdy. Şonuň netijesinde, şu günki gün ýurdumyzda senagat we gurluşyk önümleriniň barha köp görnüşlerini öndürmek, zawoddyr fabriklerde öndürilýän önümiň çig malyny öz tebigy serişdelerimiziň hasabyna üpjün etmek bilen bagly giň mümkinçilikler durmuşa geçirilýär.
Gaýtadan işleýän senagat babatda dünýäniň ösen ýurtlarynyň derejesine çykmak bilen bir wagtda önümçilik görnüşleriniň ilkinjilerini ýurdumyzda ýola goýmak bilen bagly hem uly işler durmuşa geçirilýär.
2019-njy ýylyň tomsunda dabaraly ýagdaýda açylyp ulanylmaga berlen Ahaldaky tebigy gazdan benzin öndürýän zawod bu babatda iň uly täsinlikdir. Zawodyň düýbi 2014-nji ýylda «Türkmengaz» döwlet konserni, «Kawasaki heavy Industries» (Ýaponiýa) we «Rönesans Holding» (Türkiýe) kompaniýalary tarapyndan bilelikde tutuldy we guruldy.
Kärhana bir ýylda 1 milliard 785 million kub metr gazy gaýtadan işläp, ondan EURO-5 standartyna laýyk gelýän ECO-93 görnüşli benziniň 600 müň tonnasyny, arassalanan dizel ýangyjynyň 12 müň tonnasyny we suwuklandyrylan uglewodorod gazyň 115 müň tonnasyny öndürmäge niýetlenendir.
Ilkibaşdaky taslamalaýyn kuwwatyna laýyklykda, zawod bir gije- gündizde ECO-93 benzininiň 1 müň 800 tonnasyny öndürýär. Görkezijiler ýylyň-ýylynda ýokarlanýar. Üstümizdäki ýylyň birinji ýarymynyň görkezijileri boýunça zawodyň ýarym ýylda öndüren önüminiň umumy bahasy 198 million manada golaý boldy. Ol geçen ýylyň degişli döwri bilen deňeşdirilende, 172 göterime deňdir. Öndürilen önümler ýurdumyzyň içindäki sarp edijilere we ozal baglaşylan şertnamalara laýyklykda Owganystana, Ýewropa ýurtlaryna iberilýär.
Bu dünýäde ilkinji tebigy gazdan benzin öndürýän zawod ýurdumyzda mähriban Arkadagymyzyň baştutanlygynda gurlup ulanylmaga berlen köp sanly dokma toplumlary, nebiti gaýtadan işleýän zawodlar toplumlarynyň täze zawodlary, elektrik beketleri we beýleki senagat desgalary bilen birlikde ýurdumyzyň eksport kuwwatlyklaryny yzygiderli artdyrmaga ýardam berýär.
Biz ýurdumyzda ykdysady-medeni ösüşleri amal edýän, ilatyň hal- ýagdaýyny yzygiderli gowulandyrmak babatda dünýä nusgalyk işleri durmuşa geçirýän mähriban Arkadagymyza uzak ömür, jan saglyk, işlerinde rowaçlyk arzuw edýäris.
Kerimberdi ATAÝEW,
Türkmen döwlet binagärlik-gurluşyk institutynyň mugallymy.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
