Bilim ulgamyndaky ösüşler
Hormatly Prezidentimiziň bilim özgertmeleri ýurdumyzda ýokary ösüşleri gazanmagyň möhüm binýady bolup durýar.
Berkarar döwletimiziň bagtyýarlyk döwründe milli bilim ulgamynyň ösüş taryhyna göz aýlanyňda, onuň tapgyrlaýyn häsiýeti aýdyň göze ilýär. Hormatly Prezidentimiziň gönüden-göni başlangyçlary esasynda, ilkinji nobatda, ýurdumyzyň ýokary, ýörite we orta mekdeplerinde okuwyň möhletlerine gaýtadan seredilmegi, şeýle hem ylmyň dürli ugurlary boýunça täze okuw dersleriniň girizilmegi dünýä derejeli özgertmeleriň badalgasy boldy.
Ýaş nesilleriň zamanabap kompýuter, multimedia tehnologiýalaryndan baş çykarmagyny maksat edip goýýan informatika dersiniň okadylmagy şu günki sanly dolandyryş tehnologiýalaryna geçmegiň baş binýady boldy. Şonuň ýaly-da, hormatly Prezidentimiziň Berkarar döwletimiziň bagtyýarlyk döwründe ýurdumyzda sanly ykdysadyýeti ösdürmek, dünýä ölçeglerine laýyk gelýän, maglumat- tehnologiki ösüşlerden gowy baş çykarýan ýokary bilimli hünärmenleri taýýarlamak maksady bilen gol çeken Permany esasynda Türkmenistanyň Telekommunikasiýalar we informatika instituty döredildi. Bu ýokary okuw mekdebinde okuw işine ýurdumyzyň hem-de dünýä ylmynyň iň täze gazananlary, maglumat tehnologiýalary giňden ornaşdyrylandyr. Şonuň ýaly-da, Türkmenistanyň Oguz han adyndaky inžener-tehnologiýalar uniwersiteti döredildi.
Häzirki wagtda sanly bilim ulgamyna geçmek bilen baglanyşykly ýurdumyzyň ýokary okuw mekdepleriniň her birinde göze görnerlikli işler alnyp barylýar. Döwlet Baştutanymyz: «Häzirki döwürde sanly ulgam durmuşyň ähli ulgamyna ornaşdyryldy. Ýurdumyzda döwrüň öňegidişligini ilki duýup, oňa öz wagtynda seslenmäge ukyply intellektual kuwwat kemala gelýär» diýip belleýär. Her ýylda birinji synpa okuwa barýan orta mekdep okuwçylaryna hormatly Prezidentimiziň adyndan netbuklar sowgat berilýär. Munuň özi ýaş nesilleriň ir döwürden başlap sanly ulgam bilen işlemäge taýýarlamakdyr. Sanly ulgamyň esaslaryny ele almak ýaşlaryň bilimleri özleşdirmekleri bilen bir hatarda geljekde hünärmen hökmünde işlejek iş orunlarynda häzirki zaman tehnologiýalarynyň talaplaryndan oňat baş çykarmaklaryny şertlendirýär.
Biz ýurdumyzda bilim ulgamynda yzygiderli özgertmeleri durmuşa geçirýän, ýaşlaryň dünýä derejeli bilim almaklaryna, ylymlara ugrukmaklaryna giň ýol açýan hormatly Prezidentimize döwletli başlangyçlarynda hemişe üstünlikleriň hemra bolmagyny arzuw edýäris. Goý, mähriban Arkadagymyzyň jany sag, ömri uzak bolsun!
Annagözel REPOWA,
Ýagşygeldi Kakaýew adyndaky halkara nebit we gaz uniwersitetiniň mugallymy.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
Türkmenistanyň sanly mediasy — milli KHBS-niň ösüşinde möhüm faktor
Häzirki zaman dünýäsinde sanly köpçülikleýin habar beriş serişdeleri jemgyýetçilik ösüşiniň iň möhüm bölekleriniň birine öwrülýär. Türkmenistanda bu ugra döwlet derejesinde aýratyn ähmiýeti berilýär, sebäbi sanly media milli bitewüligi pugtalandyrmakda, parahatçylyk, ylalaşyk we ynsanperwerlik ideýalaryny wagyz etmekde, şeýle hem ýurduň oňyn halkara abraýyny kemala getirmekde möhüm orny eýeleýär.
Garaşsyz, baky bitarap Türkmenistan — bagtyýarlygyň we rowaçlygyň ýurdy
Hoşniýetlilik hemişe adamyň özünden, onuň oý-pikirlerinden, edim-gylymlaryndan we röwşen geljege bolan ynamyndan gözbaş alýar. Adamlaryň döredijilige ymtylýan ýerinde, parahatçylyga, zähmete we özara hormata gadyr goýýan ýerinde belent maksatlar rowaçlanýar.
Derweze krateri babatda türkmen alymlarynyň toplan tejribesi
Gündogar we Merkezi Türkmenistanyň gaz ýataklaryny özleşdirmek babatda taslama we ylmy işleri amala aşyrmak «Türkmengaz» döwlet konserniniň Ylmy-barlag tebigy gaz institutynyň işiniň esasy ugurlarynyň biri bolup durýar.
