Sowadyň we sowatlylygyň artykmaçlygy
Hormatly Prezidentimiziň “Paýhas çesmesi” kitabyndaky “Bilim bilen hikmet - altyndan gymmat», “Bilmeýän zadyňy kitapdan sora”, “Hünär-akar bulak, ylym -ýanar çyrag”, “Kitap okan magnydan dokdur” ýaly ata-babalarymyzdan biziň günlerimize çenli gelip ýeten bilim, ylym, kitap, hünär bilen bagly atalar sözleri we nakyllar taryhyň ähli döwürlerinde sowadyň we sowatlylygyň türkmen jemgyýetinde artykmaçlyga eýe bolandygyny görkezýär.
Şunuň bilen baglylykda, Mertebesi belent ýurt Baştutanymyzyň tagallalary bilen ýokary ösüş depginlerine eýe bolýan milli ykdysadyýetimizde bilim ulgamynda amala aşyrylýan özgertmelere-de aýratyn orun degişli bolup durýar.
Zehinli okuwçylarymyz, talyp ýaşlarymyz halkara derejeli internet olimpiadalaryna gatnaşyp baýrakly orunlara mynasyp bolmaklary ýurdumyzda Hormatly Prezidentimiz tarapyndan amala aşyrylýan ylym we bilim özgertmeleriniň oňyn netijelerini berýändiginden aýdyň nyşandyr.
Häzirki wagtda maglumat we kommunikasiýa ulgamlary, kompýuter tehnologiýalary tutuş dünýäde ýokary depgin bilen ösýän ugurlaryň hatarynda hasaplanýar. Giň mümkinçiliklere eýe bolan sanly tehnologiýaly pudaklar, nazary we amaly bilimler, maglumat tehnologiýalary dünýä ykdysadyýetiniň hil taýdan täze belent derejelere ýetmegine öz täsirini ýetirýär.
Şunuň bilen baglylykda, ýurdumyzyň barha kuwwatlanýan ykdysadyýeti üçin çylşymly sanly tehnologiýlaryndan baş çykarýan, kämil hünärmenleri biziň ýokary okuw mekdebimizde taýýarlanmagy, häzirden, professor-mugallymlarymyzyň we hünärmenlerimiziň öňünde uly jogapkärli weziperi goýýar.
Gahryman Arkadamyzyň taýsyz tagallalarynyň netijesinde döwrebap maddy-enjamlaýyn binýada eýe bolan Ýagşygeldi Kakaýew adyndaky halkara nebit we gaz uniwersitetimizde hereket edýän häzirki zaman okuw otaglary we tejribehanalar hem-de laboratoriýalar işimizi döwrüň talabyna laýyk alyp barmaga ýardam berýär.
Döredilen şertlerden netijeli peýdalanyp, Hormatly Prezidentimiziň öňümizde goýan wezipelerine zähmetimiz bilen jogap bermek we döwrebap hünärmenleri taýýarlamak biziň mukaddes borjumyzdyr. Iň amatly şertlerde okatmaga, ylym bilen meşgullanmaga, döwrebap ýaşamaga mümkinçilikler döredip beren Gahryman Arkadagymyza sagbolsun aýdýarys. Hormatly Prezidentimiziň jany sag, ömri uzak bolsun, il-ýurt bähbitli işleri hemişe rowaç alsyn!
Serdar ÖRÄÝEW,
Ýagşygeldi Kakaýew adyndaky halkara nebit we gaz uniwersitetiniň mugallymy.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
