Nebiti gazyp almagyň taryhyndan
Tebigy ýangyç bolan nebiti gazyp almagyn we durmuşda ulanyp başlamagyň taryhy biziň eýýamymyzdan öňki III müňýyllyga uzaýar. Bu döwürlerde Ýakyn Gündogaryň halklary nebiti ýangyç, çyra hökmünde, şeýle hem gurluşyk materiallaryny (bitum, asfalt) taýýarlamak üçin ulanypdyrlar.
Ilki döwürlerde nebiti üsti açyk suw howdanlaryndan alypdyrlar. Biziň eýýamymyzyň 347-nji ýyllarynda Hytaýda ilkinji gezek nebiti gazyp almak üçin ýerde buraw işlerini geçiripdirler. Turba hökmünde bambuk agajynyň içi köwlen baldaklary ulanylypdyr.
1264-nji ýylda italýan syýahatçysy Marko Polo Azerbaýjanda bolup görüp, ýerli ilatyň ýerden çogup çykýan nebiti ýygnaýandyklary barada ýazypdyr, Nebit bilen bagly söwdanyň ýola goýlan pursatlary hem şu döwre gabat gelýär.
1500-nji ýyllarda Polşada nebiti ilkinji gezek köçeleri yşyklandyrmak üçin ulanypdyrlar, Nebit bu ýere Karpat töwereklerinden getirilipdir.
Häzirki zaman gömüşli nebit guýulary ilkinji gezek 1849-njy ýylda Hazar deňzipde, Azerbaýjanyň paýtagty Bakuwdan uzakda bolmadyk Apşeron ýarymadasynda burawlanypdyr. Nebitden kerosin alynmagy häzirki döwürde ulanylýan köp gömüşli nebit önümlerini öndürmegiň başyny başlan waka bolupdyr. XIX asyryň dowamynda nebit burawlamak dünýäniň beýleki yklymlaryna hem giňden ýaýrapdyr.
Ýakup SOLTANMYRADOW,
Türkmen döwlet binagärlik - gurluşyk institutynyň talyby.
Garaşsyz, baky bitarap Türkmenistan — bagtyýarlygyň we rowaçlygyň ýurdy
Hoşniýetlilik hemişe adamyň özünden, onuň oý-pikirlerinden, edim-gylymlaryndan we röwşen geljege bolan ynamyndan gözbaş alýar. Adamlaryň döredijilige ymtylýan ýerinde, parahatçylyga, zähmete we özara hormata gadyr goýýan ýerinde belent maksatlar rowaçlanýar.
Derweze krateri babatda türkmen alymlarynyň toplan tejribesi
Gündogar we Merkezi Türkmenistanyň gaz ýataklaryny özleşdirmek babatda taslama we ylmy işleri amala aşyrmak «Türkmengaz» döwlet konserniniň Ylmy-barlag tebigy gaz institutynyň işiniň esasy ugurlarynyň biri bolup durýar.
Türkmenistanyň «ýaşyl» energiýa diplomatiýasy
Adamzat uzak taryhynyň dowamynda tebigata golaý durup, onuň baýlyklaryna, arassa ekologik gurşawyna örän aýawly çemeleşmäge çalyşýar.
«Ýaşyl» energiýa — geljegiň abadançylygy
«Ýaşyl» energiýany ulanmagyň, ýagny Günden, ýelden we suwdan energiýa almagyň gazylyp alynýan peýdaly baýlyklary (nebit, gaz, kömür we başgalar) energiýa hökmünde peýdalanmakdan esasy tapawutlarynyň biri, bular ulanylanda atmosfera giňişligine metanyň, kömürturşy gazynyň zyňylyp hapalanmagynyň düýbünden diýen ýaly bolmaýanlygydyr.
Aşgabat — Türkmenistanyň Prezidentiniň şähergurluşyk syýasatynyň beýany
Aşgabady ösdürmek we abadanlaşdyrmak meselesi Türkmenistanyň Prezidenti Serdar Berdimuhamedowyň hemişe üns merkezinde durýar, döwlet Baştutanymyz halkymyz baradaky aladany amala aşyrýan syýasatynyň esasy ugry hökmünde kesgitledi.
