Habarlar

«Türkmennebit» döwlet konserni uglewodorod çig mal çykarmagyny artdyrýar

https://ussatnews.com/storage/posts/291/original-15fc23faa4afb4.jpeg

«Türkmennebit» döwlet konserni uglewodorod çig mal çykarmagyny artdyrýar: şu ýylyň on aýynda nebitiň 3 million 245 müň tonnadan gowragy çykaryldy. «Önümi paýlaşmak hakynda» ylalaşyklara laýyklykda ýataklary işläp taýýarlaýan daşary ýurtly hyzmatdaşlaryň goşandyny nazara alanyňda ýurdumyzyň ýerastyndan nebitiň we gaz kondensatynyň 8 million tonna golaýy gazylyp alyndy.

Konsernde guýulary gündelik we düýpli abatlamak, şeýle hem täze “ýerasty guýulary” burawlamak boýunça geçirilýän geologiýa-tehniki çäreleriň hasabyna uglewodorod ýataklaryny işläp taýýarlamagyň netijeliligini ýokarlandyrmaga aýratyn üns berilýär. Hormatly Prezidentimiz Gurbanguly Berdimuhamedowyň tabşyrygy boýunça ýokary tehnologiýaly serwis hyzmatlary babatda daşary ýurt kompaniýalary bilen hyzmatdaşlyk işjeňleşdirildi. .

Umuman, bularyň hemmesi öz netijelerini hem berýär. Mysal üçin, ýanwar aýynda geçen ýylyň degişli döwri bilen deňeşdireniňde nebitiň çykarylyşy 10 müň tonna golaý, alty aýda – 125 müň tonna, 10 aýda – 150 müň tonna deň boldy.

Gaz pudagynyň kärhanalary meýilnama tabşyrygyny berjaý etdiler. Ýylyň başyndan bäri tebigy we ugurdaş gazyň 55,5 milliard kubmetre golaýy gazylyp alyndy. “Mawy ýangyjyň” 28 milliard kubmetre golaýy eksport edildi. Şonuň bilen birlikde ýurdumyzda suwuklandyrylan gazyň 204,5 müň tonnasy öndürilip, bu görkeziji 2019-njy ýylyň degişli döwri bilen deňeşdireniňde 35,6 müň tonna köp boldy.

Nebitgaz toplumynyň düzümini döwrebaplaşdyrmaga we tehniki taýdan enjamlaşdyrmaga, öňdebaryjy tehnologiýalaryň ornaşdyrylmagyna aýratyn üns berilýär. Ýylyň başyndan bäri şol maksatlar üçin 6,2 milliard manatlykdan gowrak serişde goýberildi.

Türkmenbaşynyň nebiti gaýtadan işleýän zawodlar toplumynda dürli görnüşli awtomobil benzininiň 1,6 million tonna golaýy hem-de dizel ýangyjynyň 1,5 million tonnadan gowragy taýýarlanyldy. Bu önümleriň agramly bölegini daşary ýurtly kompaniýalar satyn aldylar.

Umuman, tebigy gazyň we nebitiň eksportyndan gelip gowşan gyzyl pul ABŞ-nyň 3,8 milliard dollaryndan gowrak boldy.

Ussat news

Başga habarlar
16affe81268764.jpeg
Türkmen halkynyň Milli Lideriniň GDA gatnaşyjy döwletleriň parlament ýolbaşçylarynyň öňündäki çykyşy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň GDA gatnaşyjy döwletleriň parlament ýolbaşçylarynyň öňündäki ÇYKYŞY.


16afee64177f1e.webp
Halk Maslahatynyň Prezidiumy Türkmenistanyň ykdysady ösüş meýilnamasyny ara alyp maslahatlaşdy

18-nji noýabrda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde Türkmenistanyň Halk Maslahatynyň Prezidiumynyň mejlisi geçirildi.


16afe95e52b934.jpeg
Türkmen halkynyň Milli Lideriniň Halk Maslahatynyň Prezidiumynyň mejlisindäki çykyşy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Halk Maslahatynyň Prezidiumynyň mejlisindäki çykyşy.

16afc1cc99e9e7.jpeg
Yslamabatda YHG-nyň Daşary işler ministrleriniň geňeşiniň 30-njy mejlisi geçirildi

16-njy noýabrda Pakistan Yslam Respublikasynyň Yslamabat şäherinde Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 30-njy mejlisi geçirildi. Türkmenistanyň wekiliýetine Ministrler Kabinetiniň Başlygynyň orunbasary, daşary işler ministri Raşid Meredow ýolbaşçylyk etdi. Bu barada Türkmenistanyň daşary syýasat edarasy habar berdi.


16af5860cde284.jpeg
Gahryman Arkadag: Türkmenistan ekologiýa taýdan arassa tehnologiýalary giňden ornaşdyrmagy ugur edinýär

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji noýabrda Antalýada Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 31-nji maslahatynyň (COP31) Liderler sammitiniň plenar mejlisinde çykyş etdi.