Naýypdaky netijeli işler
«Türkmengaz» döwlet konserniniň suwuklandyrylan gazy öndürmek boýunça Lebap önümçilik müdirliginde üstümizdäki ýylyň geçen bäş aýynda 47,3 müň tonnadan gowrak suwuklandyrylan gaz öndürilip, bu baradaky meýilnama
105,8 göterim berjaý edildi. Harytlyk önümiň 46,4 müň tonnadan gowragy bolsa eksporta ugradyldy. Şeýle guwandyryjy görkezijileriň gazanylmagyna müdirligiň Naýypdaky suwuklandyrylan gazy öndürýän desgalar toplumynyň agzybir we işine ussat işgärleri has saldamly goşant goşýarlar.
— Hormatly Prezidentimiz ýurdumyzyň ykdysadyýetinde möhüm orny eýeleýän nebitgaz toplumyny ileri tutup ösdürmek meselelerine ýakyndan üns berýär we jogapkärli wezipeleri öňde goýýar. Biz şol belent wezipelerden ugur alyp, ýurdumyzyň ösüşlerine mynasyp goşant goşmak ugrundaky ählihalk hereketiniň öň hatarlarynda bolmagy baş maksadymyz hasaplaýarys. Munuň üçin kämil önümçilik desgalarymyzyň kuwwatlyklaryndan netijeli peýdalanmaga çalyşýarys. Aýma-aý gazanýan ýokary netijelerimiz bilelikde edýän tagallalarymyzyň ýerine düşýändigine aýdyň şaýatlyk edýär — diýip, öňdebaryjy toplumyň ýolbaşçysy Atageldi Kurbaniýazow alyp barýan gündelik işleri, gazanýan gowy görkezijileri barada höwes bilen gürrüň berýär.
Toplumyň başarjaň ýolbaşçysy soňra «Halkyň Arkadagly zamanasy» ýylynyň geçen döwründe gazanylan önümçilik netijeleri barada kanagatlanma bilen durup geçdi. Şanly ýylyň geçen aýlarynda toplum boýunça suwuklandyrylan gazyň 41,3 müň tonnadan gowragy öndürildi. Munuň özi bäş aýyň meýilnamasynyň 104 göterimden gowrak berjaý edilendiginden habar berýär.
Gazanylýan üstünlikde toplumda zähmet çekýän hünärmenleriň her biriniň saldamly goşandy bar. Olaryň hatarynda, ilkinji nobatda, esasy mehanik Batyr Kurbaniýazowyň, esasy tehnolog Daýanç Çaryýewiň, tehnologik gurluşlaryň operatory Atageldi Baýmanowyň, sorujy desgalaryň maşinisti Şanazar Kurbanowyň, esasy energetik Agajan Bäşimowyň atlary hormat bilen agzalýar. Olar yhlasly we başarjaňlyk bilen zähmet çekmekde kärdeşlerine gowy görelde görkezýärler.
Şeýle gaýratly, maksatlary aýdyň adamlara geljekde-de üstünlikler hemra bolar. Munuň üçin olara giň mümkinçilikler, amatly şertler döredilýär. Oňa toplumyň çäginde we Gazojak şäherinde suwuklandyrylan gazy kabul edýän, demir ýol we awtomobil çeleklerine ýükläp ugradýan desganyň durkuny düýpli täzelemek boýunça alnyp barylýan giň gerimli işler hem ynandyryjylykly subutnamalardyr. Gurluşykçylar işleri ýokary hil derejesinde ýylyň aýagyna çenli üstünlikli tamamlamagy maksat edinýärler. Şeýle tagallalar bolsa ýurdumyzyň ösüşlerine uly ýardam berjek önümleriň öndürilişini we sarp edijilere iberilýän möçberlerini düýpli artdyrmaga uly ýardam berer.
Mämmetgylyç KÜTIÝEW,
Ussatnews.com.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
