«Tiz hyzmat» Türkmenistanyň bazaryny ýokary hilli kömelekler bilen üpjün edýär
Lebap welaýatynyň Türkmenabat şäherindäki «Tiz hyzmat» hususy kärhanasy il arasynda gelin kömelekleri diýip tanalýan şampinýonlary ösdürip ýetişdirmek bilen meşgullanýar, diýip «Türkmenistan: Altyn asyr» saýty habar berýär.
Kärhanada geçen ýylyň noýabr aýynda ilkinji hasyl ýygnalypdyr. Şol döwürde her aýda 3 tonna hasyl alnan bolsa, eýýäm, häzirki wagtda bu görkeziji iki esse ýokarlanyp, her gün 200 kilograma golaý, her aýda bolsa 6 tonna golaý önüm öndürilip, önüm öndürmegiň ösüş depgini 2 essä ýakyn artdyrylypdyr. Ýetişdirilen kömelekler bir kilogramlyk ýörite gaplara ýerleşdirilip, ak bazarlarda we söwda nokatlarynda alyjylara hödürlenýär. Şonuň bilen birlikde kärhanada kömelekler 0,5 litrlik çüýşe gaplara marinadlanan görnüşinde gaplanylýar we satuwa ugradylýar.
«Tiz hyzmat» hususy kärhanasynyň ýolbaşçysy Almansur Orazowyň aýtmagyna görä, kömelekleri ýetişdirmek aýratyn takyklygy we ylmy esasda çemeleşmegi talap edýär. Kömelekler oba hojalyk galyndylaryny gaýtadan işlemegiň netijesinde, ýörite taýýarlanan kompostda ösdürilip ýetişdirilýär. Bu dökün hem kärhanada bugdaý samanyny çüýredip, gerekli mikroelementlere baý bolan galyndylara garmak bilen taýýarlanýar. Garyndy 80 gradus temperatura çenli gyzdyrylandan soňra, hakyky kompost döküni emele gelýär. Bu yzygiderliligiň 21 günlük hysyrdyly zähmeti talap edýändigini hem aýtmalydyrys. Kömelek tohumy Fransiýadan satyn alynýar we ýörite ammarlarda – aýratyn şertlerde saklanylandan soňra önümçilige ugrukdyrylýar. Kömelekler emeli ýagyş arkaly suwarylýar we ýyladyşhanadaky temperatura 25-den 17 gradus aralygyndaky ýylylykda saklanylýar. Olaryň ösüp çykýan gatlagy 5 santimetr galyňlykdaky torf bilen örtülýär. Häzirki wagtda torf Russiýa we Eýran döwletlerinden getirilýär. Kärhanada geljekde onuň ornuny tutup biljek serişdäni taýýarlamak işleriniň alnyp barylýandygyny belläp geçmek hem buýsançlydyr. Kömeleklere tehnologiki we gigiýeniki talaplara laýyklykda berk düzgün-tertip esasynda ideg edilende olar 45 – 50 günde ýetişýärler. Şeýle hem kömelekleriň kadaly ösmekleri we ýetişmekleri üçin suw bilen üpjünçiligi aýratyn ähmiýete eýedir. Ösüş döwründe bir kilogram kömelek bir gije – gündiziň dowamynda 2 litr suw talap edýär. Suwuň sähelçe ýetmezçilik ýa-da artykmaçlyk etmegi diňe bir hasylyň mukdaryna däl, onuň hiline-de ýaramaz täsir edýär.
«Tiz hyzmat» hususy kärhanasynda taýýar önümleriň ammarlarda – ýörite sowadyjylarda saklanmagy olary terligine we ýokary hil derejesinde alyjylara hödürlemäge mümkinçilik berýär.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
