Garadaşlydaky gerimli işler
Islendik zähmet adamy üçin bitirýän işiniň miwesini görmek uly bagt. Şonda gazanylan gowy netijeden çäksiz kanagatlanma alnyp, ynsan ömri çuňňur many-mazmuna beslenýär. Şeýle ýakymly pursatlar Timur Bazarowyň durmuşynda hem az bolanok. Munuň hem özüne ýetesi sebäbi bar. Ol «Türkmengeologiýa» döwlet korporasiýasynyň «Lebapnebitgazgözleg» ekspedisiýasynda buraw ussasy bolup zähmet çekmek bilen, ýer astyndaky baýlyklaryň üstüni açmak, ýurdumyzyň baýlyk gorlaryny artdyrmak ýaly il-ýurt bähbitli iş bilen meşgullanýar.
— Mundan ozalky iş ýerimiz Goturdepe ýatagyndady. Bu ýerde 19-njy «a» gözleg guýusyny burawlamak işini ýerine ýetirdik. Şonuň netijesinde «gara altynyň» senagat akymy alyndy. Bu şatlykly waka toparymyzyň agzalaryny has-da yhlasly we netijeli zähmet çekmäge höweslendirdi — diýip, buraw ussasy guwanç bilen gürrüň berýär.
Timur ýolbaşçylyk edýän toparynyň agzybir agzalarynyň şeýle şatlykly wakalaryň sanawyny ýene-de artdyrmak ugrunda ýadawsyz alada edýändiklerini aýratyn nygtaýar. Golaýda olar ýene bir möhüm buýurmany üstünlikli berjaý etdiler. Şonda Balkan welaýatynyň Garadaşly meýdançasynda ilkinji gözleg guýusyny burawlamak işi üstünlikli tamamlandy. Baýlyk agtaryjylar ene ýeriň 4600 metr çuňlugyna aralaşdylar. Deslapky geologik barlaglar bu meýdançanyň geljeginiň bardygyny görkezýär. Häzirki günlerde bolsa täze meýdançada burawlanan ilkinji guýuda synag işlerine gerim berilýär. Onuň netijeleri baýlyk agtaryjylaryň çeken zähmetiniň näderejede ýerine düşendigini görkezer. Diýmek, Timur we onuň kärdeşleri üçin tolgundyryjy pursatlar dowam edýär. Olarda ýene-de ýurdumyzyň baýlygynyň üstüniň ýetiriljekdigine berk ynam bar.
Ahyrky netijäniň şowly, tagallalaryň üstünlikli bolmagy üçin, ilkinji nobatda, burawlaýyş işlerini talabalaýyk ýerine ýetirmeli. Burawlaýjylar özleriniň jogapkärli wezipelerini ussatlarça berjaý edýärler. Timur Bazarow möhüm işlerde kärdeşlerine nusga alarlyk görelde görkezip, yhlasly zähmet çekýän toparyň agzalarynyň atlaryny höwes bilen agzaýar. Olaryň arasynda burawlaýjy Atajan Kandymow, buraw ussasynyň kömekçileri Serdar Hemraýew, Jumamyrat Rahmedow, meýdan geology Penji Abdullaýew we beýlekiler bar. Müdirligiň ýolbaşçylygy tarapyndan meýdan şertlerinde zähmet çekýän adamlaryň ýokary öndürijilikli işlemekleri we kadaly dynç almaklary üçin zerur şertler döredilýär. Maksatlaryň birdigi bolsa oňyn ilerlemeleriň berk binýadyny goýýar.
— Hormatly Prezidentimiz ýurdumyzyň ykdysadyýetinde möhüm hyzmaty ýerine ýetirýän nebitgaz toplumyny ileri tutup ösdürýär. Biz özümiz hakynda edilýän aladany ýakyndan duýýarys. Bu bolsa güýjümize güýç goşýar. Maksadymyz «Halkyň Arkadagly zamanasy» ýylyny şowlulyklara beslemek, ýetip gelýän hünär baýramymyzy uly zähmet üstünlikleri bilen garşylamak bolup durýar. Şol belent maksadymyza abraý bilen ýetmek üçin geljekde-de yhlasymyzy gaýgyrmarys — diýip, buraw ussasy Timur Bazarow ynam bilen aýdýar.
Hawa, Garadaşlyda tutumly işleriň başy başlandy. Lebaply burawlaýjylar täze meýdançany özleşdirmek işine ilkinji bolup girişmegiň hut özlerine ynanylmagyny ýokary jogapkärçilik, belent borç hökmünde kabul etdiler. Olaryň bilelikde, agzybirlik bilen edýän tagallalary ýerine-de düşer. Garadaşlynyň baýlyklaryny eçiljek günleri hem indi uzakda däl.
Mämmetgylyç KÜTIÝEW,
Ussatnews.com.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
