Oba hojalyk önümlerini öndürijileriň eksport mümkinçiligi artýa
Balkanabat şäherinden telekeçi Halmämmet Amanmämmedow öz ýyladyşhana hojalygyndan 64 tonna pomidor ýygdy. Ýokary hilli önümiň 50 tonnasy Russiýa Federasiýasyna eksport edildi, diýip TÜRKMENISTAN ALTYN ASYR saýty habar berýär.
Bu Türkmenistanyň Senagatçylar we telekeçiler birleşmesiniň agzasynyň ýapyk toprakdan alan ilkinji hasylydyr we önümi daşary ýurda ilkinji gezek ugradyşydyr.
Şu ýylyň oktýabrynda balkanly telekeçi Uly Balkanyň dag eteginde ýylboýy islendik oba hojalyk ekinini ýetişdirip bolýan iň täze köpugurly ýyladyşhanany işe girizdi. Häzirki wagtda ol dört gektardan gowrak meýdanda pomidoryň ýokary hasylly görnüşini ekdi, bu hem telekeçä bol hasyl almaga mümkinçilik berer.
Balkan welaýatynyň telekeçileri kem-kemden öz eksport mümkinçiligini güýçlendirýärler. Şu ýyl bary-ýogy üç hojalyk gök önümleri daşary ýurtlara iberen bolsa, indiki ýyl olaryň sany has-da artar. Senagatçylar we telekeçiler birleşmesiniň maglumatlaryna görä, welaýatda ýyladyşhana hojalyklarynyň ýene 13-si gurlar. Telekeçi Amanmämmedowyň Balkan welaýatynyň Serdar etrabyndaky daýhan hojalygynyň üç müň gektardan gowrak ekin meýdany bolup, onda indi birnäçe ýyl bäri gowaça we galla ýetişdirilýär. Şu ýyl H. Amanmämmedow 700 gektar ýerden pagtanyň bol hasylyny ýygnady we müň gektar ýere güýzlük galla ekdi.
Halmämmet Amanmämmedow ýurtda tejribeli daýhanlaryň biri. Balkanabatda ýyladyşhana hojalygynyň golaýynda ol birnäçe gektar meýdana miweli daragtlary ekdi. Golaýda özüne bölünip berlen ýene 12 gektar meýdana üzüm we miweli baglary ekmegi niýet edinýär. Ýerli toprak-howa şertleri we toplan baý tejribesi telekeçä diňe bir ýerli bazary önüm bilen üpjün etmäge däl, eýsem önümleriniň daşary ýurtlara eksportyny-da artdyrmaga mümkinçilik berýär.
Ussat news
Döwrüň ruhuna mynasyp seslenýän neşir
Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzyň dünýä derejesindäki ýokary ösüşlerini, durmuşa geçirilen we alnyp barylýan iri taslamalary, ekologiýa meselelerini, halkara we döwlet derejesindäki forumlary, işewürlik duşuşyklaryny we beýleki dürli ugurlaryň möhüm materiallaryny, täzeliklerini hem habarlaryny dessin beýan edip köpçülige ýetirmekde milli habar beriş serişdeleriniň ähmiýeti bimöçber uludyr.
Ýangyç-energetika toplumynyň çig mal binýadyny pugtalandyrmakda guwandyryjy zähmet ýeňişleri
«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar.
Türkmenistan kükürtsiz tebigy gazy gözlemek üçin geologiýa-gözleg burawlaýyş işlerini giňeldýär
«Türkmengeologiýa» döwlet korporasiýasy ýurdumyzyň dürli sebitlerinde ýerleşýän birnäçe nebitgazly meýdançalarda kükürtsiz tebigy gazyň gözlegine aýratyn üns berip, giň gerimli geologiýa-gözleg we ulanyş burawlaýyş işlerini alyp barýar. Işler «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde amala aşyrylýar.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
