Türkmenistanyň we Owganystanyň söwda gatnaşyklary berkidilýär
Goňşy döwletler, şol sanda Owganystan Yslam Respublikasy bilen dostlukly gatnaşyklary berkitmek hormatly Prezidentimiz Gurbanguly Berdimuhamedowyň yzygiderli durmuşa geçirýän daşary syýasatynyň esasy ugurlarynyň biridir.
Häzir biziň ýurtlarymyz söwda-ykdysady ulgamda netijeli gatnaşyklary saklaýarlar, möhüm energetika we ulag-kommunikasiýa taslamalaryny amala aşyrýarlar. Olaryň arasynda Akina-Andhoý demir ýolunyň gurluşygy, Türkmenistanyň we Owganystanyň arasynda optika-süýümli aragatnaşyk ulgamy, döwletara energetika desgasynyň - TOPH gazgeçirijiniň owgan bölegini çekmek işleri.
Owganystanyň Milli statistika we habarlar müdirliginiň (NSIA) maglumatlaryna laýyklykda Türkmenistan Owganystana iberilýän benziniň mukdary boýunça birinji orny eýeleýär, şeýle hem dizel ýangyjyny we suwuklandyrylan gazy uly möçberde iberýän üç döwletiň hataryna girýär.
Şeýlelikde, şu ýylyň 9 aýynda ýurdumyzda awtomobil benzininiň 337 müň tonnadan gowragy hem-de dizel ýangyjynyň dürli görnüşleriniň 40 müň tonna golaýy, suwuklandyrylan gazyň 147 müň tonnadan gowragy, gaz kondensatynyň 4 müň tonnadan gowragy, polipropileniň 1,4 müň tonna golaýy we nebitgaz toplumynyň beýleki önümleri satyn alnyp, olaryň umumy bahasy 230 million dollardan gowrak boldy.
Şeýle hem OYR-na nebit önümleri, dizel ýangyjynyň 140 müň tonnadan gowragy, uçar kerosininiň 30 müň tonnasy we beýlekiler gümrük pajy tölenmezden iberildi. Olaryň bahasy ýylyň üç çärýeginiň jemleri boýunça 180 million dollardan gowrak boldy.
Şol önümleriň agramly böleginiň goňşy ýurda Atamyrat-Akina demir ýoly boýunça, türkmen-owgan serhedindäki Ymamnazarda nebit önümlerini kabul edýän, saklaýan we ýükläp ugradýän terminal arkaly iberilýändigini bellemek gerek.
Ussat news
Döwrüň ruhuna mynasyp seslenýän neşir
Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzyň dünýä derejesindäki ýokary ösüşlerini, durmuşa geçirilen we alnyp barylýan iri taslamalary, ekologiýa meselelerini, halkara we döwlet derejesindäki forumlary, işewürlik duşuşyklaryny we beýleki dürli ugurlaryň möhüm materiallaryny, täzeliklerini hem habarlaryny dessin beýan edip köpçülige ýetirmekde milli habar beriş serişdeleriniň ähmiýeti bimöçber uludyr.
Ýangyç-energetika toplumynyň çig mal binýadyny pugtalandyrmakda guwandyryjy zähmet ýeňişleri
«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar.
Türkmenistan kükürtsiz tebigy gazy gözlemek üçin geologiýa-gözleg burawlaýyş işlerini giňeldýär
«Türkmengeologiýa» döwlet korporasiýasy ýurdumyzyň dürli sebitlerinde ýerleşýän birnäçe nebitgazly meýdançalarda kükürtsiz tebigy gazyň gözlegine aýratyn üns berip, giň gerimli geologiýa-gözleg we ulanyş burawlaýyş işlerini alyp barýar. Işler «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde amala aşyrylýar.
Umumymilli foruma taýýarlygyň çäklerinde maslahat geçirildi
Watanymyzyň ösüş ýolunda täze belentliklere tarap ynamly gadam urýan döwründe Garaşsyz, hemişelik Bitarap Türkmenistanda ýurdumyzyň iň ýokary wekilçilikli edarasy bolan Türkmenistanyň Halk Maslahatynyň nobatdaky mejlisine taýýarlyk işleri işjeň ýagdaýda alnyp barylýar.
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
