«Arkadagly Ýaşlar» žurnalynyň dördünji sany okyjylara ýetirildi
Türkmenistanyň Magtymguly adyndaky ýaşlar guramasynyň Merkezi geňeşiniň ýanyndaky «Arkadagly Ýaşlar» atly elektron žurnalyň üstümizdäki ýylyň dördünji sany okyjylara ýetirildi,diýip Türkmenistanyň Döwlet habarlar agentligi habar berýär.
Žurnalyň ilkinji makalasy geçen aýda Aşgabat şäherinde geçirilen hokkeý boýunça halkara ýaryşa we onuň türkmen janköýerlerini begendiren netijelerine bagyşlandy. «Il saglygy ― ýurt baýlygy» atly makalada bolsa 7-nji aprelde ýurdumyzda bellenilen Bütindünýä saglyk gününiň ähmiýeti açylyp görkezilýär.
«Ýurdumyzyň ulag-üstaşyr mümkinçilikleri kuwwatlanýar» atly makala geçen aýyň iň iri wakalarynyň biri bolan Aşgabat ― Türkmenabat aralygyndaky ýokary tizlikli awtoýoluň Tejen ― Mary böleginiň açylyp, ulanylmaga berilmegine bagyşlanypdyr.
Okyjylar «Öýüm bar ― ülkäm bar» atly makaladan milli mirasymyzyň öý bilen bagly dürdäneleriniň birnäçesi bilen tanşyp bilerler. Şol sahypalarda rus dilinde ýerleşdirilen makalada bolsa türkmen ýaşlarynyň Nýu-Ýork şäherinde geçirilen halkara foruma gatnaşmagy barada gürrüň berilýär.
23-nji aprelde Ýer ýüzi Bütindünýä kitap gününi belledi. Bu şanly senä neşiriň sahypalaryndan hem orun berlipdir. Bütindünýä kitap gününe bagyşlanan makala «Kitap ― paýhaslar ummany» diýlip atlandyrylýar.
Aprel aýyndaky iň iri baýramlaryň biri bolan Türkmen bedewiniň milli baýramy neşiriň sahypalarynda giňişleýin şöhlelenýär. «Türkmenistanyň harytlar we hyzmatlar bazaryny ösdürmegiň esasy ugurlary» atly makalada bu pudakda ýaş işewürleriň ornuna aýratyn üns berilýär.
«Sanly ulgamlar arkaly bahalandyrmak» diýlip atlandyrylýan nobatdaky makala okuw işine sanly ulgamy ornaşdyrmakda täzeçil teklipleri orta atýar. Neşiriň «Ýaşlar ylym dünýäsinde» atly däbe öwrülen tapgyrynda bu gezek zehinli ýaşlaryň ýene-de üçüsiniň alyp baran ylmy gözlegleri barada gürrüň berilýär.
Dermanlyk ösümliklerimiz bilen gyzyklanýanlar «Halk lukmançylygynda atgulagyň ähmiýeti» atly makalany uly höwes bilen okar diýip tama edýäris.
Hemişe bolşy ýaly, neşirde täsirli makalalar we çykyşlar bezegler bilen baýlaşdyrylypdyr. Bu bolsa okyjylary neşire has ysnyşdyrýar.
Türkmenistan Pakistanyň metbugat wekillerine energetika ulgamyndaky hyzmatdaşlygy barada gürrüň berdi
6-njy noýabrda Türkmenistanyň Pakistan Yslam Respublikasyndaky ilçihanasynyň binasynda Päkistanyň köpçülikleýin habar beriş serişdeleriniň wekilleri üçin brifing geçirildi.
Şanhaýda türkmen-hytaý işewürler forumy geçirilýär
6-7-nji noýabrda Şanhaýda türkmen-hytaý işewürlik forumy geçirilýär. Onuň üns merkezinde nebitgaz we himiýa senagaty, gurluşyk, ulag logistikasy, oba hojalygy we sanly tehnologiýalar ugurlary boýunça hyzmatdaşlyk durýar.
Şanhaýda geçirilýän Hytaýyň 9-njy halkara import sergisinde Türkmenistanyň milli pawilýony açyldy
Şanhaýda (HHR) 5-nji noýabrda Hytaýyň 9-njy halkara import sergisi (CIIE 2026) açyldy, ol 10-njy noýabra çenli dowam eder. Türkmenistan forumda ýurduň Söwda-senagat edarasy bilen "Oguz Forum we Ekspo" ýapyk görnüşli paýdarlar jemgyýetiniň bilelikde guran Milli pawilýony bilen wekilçilik edýär.
Nebitgaz toplumynda on aýyň jemlerine garaldy
6-njy noýabrda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.
Hökümet mejlisinde ýangyç-energetika toplumynyň işiniň ýanwar-oktýabr aýlary boýunça jemleri jemlenildi
5-nji noýabrda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi. Bu barada TDH habar berýär.
