Demirgazyk Goturdepede täze guýulardan nebit çykaryldy
Hazaryň türkmen ýalpaklygynyň we kenarýaka zolagynyň geljegi uly ýataklaryny senagat möçberinde batly depginler bilen özleşdirilmek, bu ugurda daşary ýurt kompaniýalaryny we maýalaryny hyzmatdaşlyga çekmek hormatly Prezidentimiz Gurbanguly Berdimuhamedowyň nebitgaz toplumynyň hünärmenleriniň öňünde goýan esasy wezipeleriniň biri bolup durýar.
Degişli ugurda daşary ýurtly hyzmatdaşlar bilen hyzmatdaşlyk işjeň ösdürilýär, olaryň hatarynda Singapurda bellige alynan «Yug-Neftegaz Private Limited» kompaniýasy hem bar. Ol 2020-nji ýylda ýerine ýetiren işleriniň netijelerini jemlemek bilen, Demirgazyk Goturdepe ýatagynda alty guýynyň – № 250, №315, №316, №317, №319 we №332 guýularyň buraw işleriniň tamamlandygy barada habar berdi, olaryň her biriniň taslama çuňlugy bäş müň metre barabardyr. Guýulary synagdan geçirmegiň barşynda nebitiň senagat möçberindäki akymlary alyndy.
Hazaryň kenarýaka zolagynda geljegi uly ýataklary senagat möçberindeişläp taýýarlamak boýunça maýagoýum taslamasyna 2018-nji ýylda badalga berildi. «Türkmennebit» döwlet konserni bilen «Yug-NeftegazPrivate Limited» kompaniýasynyň arasynda gol çekilen Ylalaşyga laýyklykda çuňlugy 4500-den 5500 metre çenli bolan dik, kese we eňňit-ugurly guýularyň 60-ny burawlamak meýilleşdirilýär.
Häzirki wagtda şol taslamanyň çäklerinde Hazaryň ýalpaklygynda ýerleşen guýularyň ýene-de dördüsiniň gurluşygy amala aşyrylýar. Şu ýylyň dowamynda çuňlugy 4750-5000 metr bolan guýularyň jemi 9-ny burawlamak meýilleşdirilýär.
Bulardan başga-da, günbatar sebitiň ýataklarynda guýularyň 201-sinde düýpli abatlaýyş işleri geçirildi, olar nebitiň 340 müň tonnadan gowragyny almaga mümkinçilik berdi.
Şol işleriň «Türkmennebit» döwlet konserniniň önümçilik kärhanalarynyň gatnaşmagynda ýerine ýetirilýändigini bellemek gerek.
Ussat news
«Türkmenistanyň nebiti we gazy – OGT 2026» halkara maslahatyna we sergisine taýýarlyk işleri dowam edýär
21–23-nji oktýabrda Aşgabatda «Energiýa. Hyzmatdaşlyk. Ösüş» şygary astynda geçiriljek «Türkmenistanyň nebiti we gazy – OGT 2026» 31-nji halkara maslahatyna we sergisine işjeň taýýarlyk işleri dowam edýär.
Parnik gazlarynyň zyňyndylaryna gözegçilik etmekde okuw sapaklary
Ählumumy metan borçnamasyndan gelip çykýan şertleri ýerine ýetirmek maksady bilen, «Türkmengaz» döwlet konserniniň Ylmy-barlag tebigy gaz institutynyň daş-töweregi goramak bölüminiň gurnamagynda institutyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli ugurlar boýunça monitoring etmek we olaryň üstünde takyklyga baha bermek, maglumatlary werifikasiýa etmek we başga-da degişli ugurlarda iş alyp barmaklygyň halkara usullaryna degişli wideoaragatnaşyk arkaly onlaýn okuw sapaklary geçirildi.
Gazçylar Garaşsyzlygymyzyň toýuna zähmet üstünlikleri bilen barýarlar
Ýurdumyzda nebitgaz senagatyny döwrebap derejede ösdürmek, tebigy baýlyklarymyzy halkymyzyň we Watanymyzyň bähbidine netijeli peýdalanmak ugrunda giň gerimli işler durmuşa geçirilýär. Bu möhüm wezipeleriň üstünlikli amala aşyrylmagyna «Türkmengaz» döwlet konserniniň «Lebapgazçykaryş» müdirliginiň agzybir işgärleri hem mynasyp goşant goşýarlar.
Türkmen nakgaşynyň eserleri Azerbaýjandaky halkara festiwalynda uly abraýa eýe boldy
29-njy iýul — 3-nji awgust aralygynda Azerbaýjan Respublikasynyň Gabala şäherinde geçirilen «GabalaFest» festiwalynyň çäklerinde «Medeniýetleriň çatrygy» atly ilkinji halkara sungat sergisi guraldy. Dünýäniň 30-dan gowrak döwletiniň sungat ussatlaryny bir ýere jemlän bu taslama suratkeşlik, heýkeltaraşlyk we fotosurat arkaly dürli medeniýetleriň hem-de nesilleriň arasynda çeper dialogy ösdürmäge gönükdirildi.
Gökderede ýangyn-amaly sporty boýunça nobatdaky bäsleşik geçirildi
7-nji awgustda Gökdere jülgesinde ýerleşýän «Çynar» çagalar sagaldyş we dynç alyş merkezinde ýangyn-amaly sporty boýunça bäsleşik geçirildi. Bäsleşige bu ajaýyp künjekde dynç alýan ýetginjeklerden ybarat ýaş ýangyn söndürijileriň 14 topary gatnaşdy.
